23 jeltoqsanda Qazaqstanda 754 adamǵa koronavirýs juqqany testpen rastalǵan. 156 adamǵa koronavirýs pnevmoniiasy diagnozy qoiylǵan. Bir kúnde Covid pen pnevmoniiadan 11 adam qaitys bolǵan.
Resmi málimet boiynsha, naýryz aiynan beri 149 462 adamnyń koronavirýs testi oń nátije kórsetken, 2 218-i qaitys bolǵan. 9-y ótken táýlikte kóz jumǵan. Sársenbi kúni eń kóp naýqas Nur-Sultan (118) men Almaty qalasynda (90) tirkelgen. Almaty qalasynda naýqastardyń kóbeiýine bailanysty 23 jeltoqsanda qala "jasyldan" "sary aimaqqa" ótti.
Koronavirýsqa uqsas pnevmoniiaǵa shaldyqqandardy densaýlyq saqtaý ministrligi 1 tamyzdan beri esepke alyp keledi. Oǵan deiin qansha adamnyń koronavirýs pnevmoniiasymen aýyrǵany belgisiz. Ol jaily málimet jariialanbady. 1 tamyzdan beri 44 951 adamnan koronavirýs pnevmoniiasy anyqtalǵan, 483-i qaitys bolǵan. Ótken táýlikte 2 adam ólimi tirkeldi.
Qazir koronavirýs pen koronavirýs pnevmoniiasynan 24 126 adam emdelip jatyr. 12 181 adamnyń Covid testi oń nátije kórsetken. 231 naýqastyń jaǵdaiy aýyr. Dárigerler 47 adamnyń jaǵdaiyn óte aýyr dep baǵalaidy. 42 naýqas jasandy tynys apparatyna qosylǵan.
Djons Hopkins ýniversitetiniń málimeti boiynsha, álemde koronavirýs juqtyrǵandar 78,6 mln adam boldy. Shamamen 44,2 mln adam jazylǵan, 1 mln 730 myń naýqas qaitys bolǵan.
Aimaqtar boiynsha jalpy aqparat:
Nur-Sultan qalasy - 118
Almaty qalasy - 90
Shymkent qalasy - 7
Aqmola oblysy - 57
Aqtóbe oblysy - 4
Almaty oblysy - 60
Atyraý oblysy - 59
Shyǵys Qazaqstan oblysy - 66
Jambyl oblysy - 15
Batys Qazaqstan oblysy - 27
Qaraǵandy oblysy - 35
Qostanai oblysy - 65
Qyzylorda oblysy - 2
Mańǵystaý oblysy - 18
Pavlodar oblysy - 60
Soltústik Qazaqstan oblysy - 63
Túrkistan oblysy - 8
