Bir apta ishinde elimizde 3 226 qylmys jasaldy. Bul týraly QR Ishki ister ministrliginiń resmi ókili Nurdildá Oraz aitty, dep habarlaidy "Ult aqparat".
«Bir apta ishinde elimizde 3 226 qylmys jasaldy, onyń 2 148-i táýlik ishinde ashyldy. Politsiia qyzmetkerleri «izin sýytpai» 6 kisi óltirýdi, 3 ólimge ákep soqqan densaýlyqqa qasaqana aýyr ziian keltirýdi, 1 qaraqshylyq, 34 tonaý jáne 528 bóten múlikti urlaý qylmysyn ashty», - dedi N. Oraz vedomstvoda ótken onlain brifingide.
Sonymen birge, resmi ókildiń aitýynsha, IIM barlyq aýmaqtyq politsiia bólimshelerinde «Adaldyq alańy» jobasyn júzege asyrýdy jalǵastyrýda. Joba turmystyq sybailas jemqorlyq deńgeiin qysqartýǵa jáne ishki ister organdaryna degen senimdi arttyrýǵa múmkindik beredi.
