Bir apta ishinde elimizde 3 371 qylmys jasaldy. Bul týraly búgin QR Ishki ister ministrliginiń resmi ókili Nurdildá Oraz málim etti, dep habarlaidy "Ult aqparat".
«Bir apta ishinde 3 371 qylmys jasaldy. Onyń 2 145-i táýlik ishinde ashyldy», - dedi Nurdildá Oraz.
Resmi ókildiń atap ótýinshe, politsiia qyzmetkerleri «izin sýytpai» 10 kisi óltirý qylmysyn ashqan.
«Sondai-aq, 10 ólimge ákep soqqan densaýlyqqa qasaqana aýyr ziian keltirýdi, 5 qaraqshylyq, 39 tonaý jáne 489 bóten múlikti urlaý qylmystaryn ashty», - dedi ol.
Nurdildá Oraz Halyqaralyq áielder kúni qarsańynda Ishki ister ministri Erlan Turǵymbaev erekshe kózge túsken áiel qyzmetkerlerdi arnaiy quttyqtaǵanyn da atap ótti.
«Aita ketý kerek, qyz-kelinshekter Ishki ister organdarynyń barlyq bólimshelerinde, sonyń ishinde qylmystyq politsiia, tergeý, qoǵamdyq qaýipsizdik siiaqty jetekshi bólimderde qyzmet atqarady. Búgingi tańda politsiia qatarynda 11 myńǵa jýyq áiel qyzmet etedi, olardyń 580-i basshylar», - dedi resmi ókil.
