«Bir apta ishinde 3146 qylmys tirkelip, onyń 2042-i táýlik ishinde izi sýymai ashyldy. Bul týraly QR ishki ister ministriniń resmi ókili Nurdildá Oraz aitty, dep habarlaidy QazAqparat.
«Bir apta ishinde 3146 qylmys tirkelip, onyń 2042-i táýlik ishinde izi sýymai ashyldy. Politsiia qyzmetkerleri izin sýytpai 8 kisi óltirý, 8 ólimge aparyp soqtyrǵan qasaqana densaýlyqqa ziian keltirý qylmysyn ashty. Sondai-aq, 2 qaraqshylyq shabýyl, 3 tonaý, 437 bóten múlikti urlaý qylmysy da áshkere boldy», - deidi QR IIM resmi ókili Nurdildá Oraz.
Sondai-aq, ol «Halyq únine qulaq asatyn memleket» tujyrymdamasyn iske asyrý sheńberinde Ishki ister ministrligi 1 aqpannan, politsiiaǵa habarlama qabyldaýdyń jańa protsesin iske qosqanyn aitty.
«102» mobildi qosymshasynyń kómegimen eldiń árbir turǵyny ishki ister organdaryna vandalizm, qoqystardy qoǵamdyq oryndarǵa tastaý, esirtki satý jáne taǵy basqa jasalǵan quqyq buzýshylyq týraly aqparatty jibere alady.
Bul júie arqyly siz apelliatsiialyq shaǵym jibere alasyz. Ol úshin operatorǵa aýdio nemese video qońyraý arqyly habarlasyńyz. Al qońyraý shalýshynyń ornalasqan jeri avtomatty túrde anyqtalady, operator ne bolyp jatqanyn kóre alady jáne tótenshe jaǵdailardy joiý sharalaryn qoldana alady», - deidi ol.
