Foto: QR SIM
2025 jyldyń 25 qyrkúiek-30 qazan aralyǵynda Qazaqstanda «Bereke Fest» respýblikalyq aktsiiasy ótedi, dep habarlaidy Ult.kz.
Bul aktsiiaǵa elimiz boiynsha shamamen 80-ge jýyq iri saýda jelisi qatysýda. Olardyń qatarynda Magnum, SMALL, Anvar, Toimart, Fermag, Dina, Astyqjan, Norma, Dana sekildi iri riteilerlermen qatar, óńirlik saýda jelileri de bar.
Búgin QR Saýda jáne integratsiia ministri Arman Shaqqaliev «Bereke Fest» aktsiiasynyń bastalý barysymen tanysty. Jumys sapary aiasynda ol elordadaǵy saýda jelisin aralap, baǵa saiasaty men áleýmettik mańyzy bar taýarlardyń qoljetimdiligin qamtamasyz etý baǵytynda biznes tarapynan iske asyrylyp jatqan bastamalarmen tanysty.
Atqarylyp jatqan bul bastama elimizdiń barlyq óńirin qamtyp, eń aldymen, halyq tutynatyn negizgi taýarlardyń baǵasyn turaqtandyrýǵa, otandyq taýar óndirýshilerdi qoldaýǵa jáne qazaqstandyq ónimniń halyqqa qoljetimdiligin arttyrýǵa baǵyttalǵan.
Baǵanyń tómendeýi saýda jelileriniń saýda ústemesin azaitýy men fermerler men saýda oryndary arasyndaǵy tikelei bailanystardy jolǵa qoiý nátijesinde múmkin boldy. Bul - deldaldardy ainalyp ótip, ónimniń tikelei jetkizilýine jol ashty. Aita ketý kerek, osy bastama aiasynda saýda jelileri saýda ústemesin tómendetip, nátijesinde tek otandyq ónimder ǵana emes, sonymen qatar importtyq taýarlar da jeńildikpen usynylýda.
Aktsiialyq usynystardyń assortimenti áleýmettik mańyzy bar azyq-túlik taýarlaryn qamtidy.
Aktsiia sheńberinde iri saýda jelilerinde qazaqstandyq óndirýshilerdiń ónimderi úshin arnaiy promo-aimaqtar uiymdastyrylǵan. Aktsiianyń negizgi maqsattary - otandyq ónimderdi ilgeriletý, saýda jelileri men jergilikti jetkizýshiler arasyndaǵy turaqty kooperatsiiany damytý. Sonymen qatar, aktsiia ishki suranysty yntalandyrýǵa jáne eldiń azyq-túlik qaýipsizdigin nyǵaitýǵa yqpal etedi.
Aktsiiaǵa qatysatyn barlyq saýda núkteleri biryńǵai stilde bezendirilgen. Bul tutynýshylardyń saýda keńistiginde erkin baǵdar alýyn jeńildetip, ónimderdiń qoljetimdiligi men jergilikti óndirisine erekshe nazar aýdarýǵa múmkindik beredi.
