Elimizde balalarǵa arnalǵan biryńǵai tarifi bar SIM karta engizilmek. Bul týraly QR Premer-Ministri Asqar Maminniń Senat depýttarynyń saýalyna bergen jaýabynda aitylǵan, dep habarlaidy "Ult aqparat".
«Qazirgi ýaqytta kiberbýllingke qarsy is-sharalar 2020-2023 jyldarǵa arnalǵan balalar quqyqtaryn qorǵaýdy kúsheitý, turmystyq zorlyq-zombylyqqa qarsy is-qimyl jáne jasóspirimder arasynda sýitsid máselesin sheshý jónindegi jol kartasyn iske asyrý aiasynda júzege asyrylýda.
Bilim jáne ǵylym, Aqparat jáne qoǵamdyq damý, Ishki ister ministrlikteri, jergilikti atqarýshy organdar jastar men balalar arasynda internetke táýeldiliktiń profilaktikasy, azamattardyń tsifrlyq bedelin qorǵaý, áleýmettik jeli men internettegi monitoring jáne tosqaýyl qoiý, sondai-aq, qolaisyz internet kontentke qol jetkizýden balalardy qorǵaý boiynsha balalarǵa arnalǵan biryńǵai tarifi bar SIM karta engizý boiynsha keshendi sharalardy qabyldaýda», - dedi Asqar Mamin.
