2020 jyldyń qorytyndysy boiynsha náreste óliminiń kórsetkishi 3 paiyzǵa tómendedi. Bul týraly halyq aldynda esep berý kezdesýinde QR Densaýlyq saqtaý ministri Aleksei Tsoi málim etti, dep habarlaidy QazAqparat.
«Jalpy, memleket pen meditsina qyzmetkerleriniń kúsh-jigeriniń arqasynda respýblikadaǵy meditsinalyq-demografiialyq ahýal bylaisha sipattalady. Ómir súrý uzaqtyǵynyń ósýi baiqaldy. 2020 jyldyń qorytyndysy boiynsha náreste óliminiń kórsetkishi 3%-ǵa tómendedi. Bala týý kórsetkishi 3%-ǵa óskeni baiqaldy», - dedi ministr Ortalyq kommýnikatsiialar qyzmetinde.
Onyń aitýynsha, qaterli aýrýlardan bolatyn ólim kórsetkishi 3 paiyzǵa tómendedi. Birlesken vedomstvoaralyq jumystyń arqasynda jaraqattardan, jazataiym oqiǵalardan jáne ýlanýdan bolatyn ólim-jitim kórsetkishi 15 paiyzǵa azaidy. Týberkýlez siiaqty qaýipti aýrýdan bolatyn ólim 21 paiyzǵa tómendedi.
«Bul qurǵaq sandardyń artynda adam ómiri, meditsina qyzmetkerleriniń qajyrly eńbegi, sondai-aq ishki ister qyzmetteriniń, jergilikti atqarýshy jáne ortalyq memlekettik organdardyń qyzmeti turǵanyn atap ótken jón. Tipti ólimniń kem degende 1%-ǵa tómendeýi de úlken jetistik bolyp sanalady, óitkeni el aýqymynda bul paiyzdyń artynda myńdaǵan adamnyń ómiri jatyr», - dedi Tsoi.
