2020 جىلدىڭ قورىتىندىسى بويىنشا نەرەستە ٶلٸمٸنٸڭ كٶرسەتكٸشٸ 3 پايىزعا تٶمەندەدٸ. بۇل تۋرالى حالىق الدىندا ەسەپ بەرۋ كەزدەسۋٸندە قر دەنساۋلىق ساقتاۋ مينيسترٸ الەكسەي تسوي مەلٸم ەتتٸ, دەپ حابارلايدى قازاقپارات.
«جالپى, مەملەكەت پەن مەديتسينا قىزمەتكەرلەرٸنٸڭ كٷش-جٸگەرٸنٸڭ ارقاسىندا رەسپۋبليكاداعى مەديتسينالىق-دەموگرافييالىق احۋال بىلايشا سيپاتتالادى. ٶمٸر سٷرۋ ۇزاقتىعىنىڭ ٶسۋٸ بايقالدى. 2020 جىلدىڭ قورىتىندىسى بويىنشا نەرەستە ٶلٸمٸنٸڭ كٶرسەتكٸشٸ 3%-عا تٶمەندەدٸ. بالا تۋۋ كٶرسەتكٸشٸ 3%-عا ٶسكەنٸ بايقالدى», - دەدٸ مينيستر ورتالىق كوممۋنيكاتسييالار قىزمەتٸندە.
ونىڭ ايتۋىنشا, قاتەرلٸ اۋرۋلاردان بولاتىن ٶلٸم كٶرسەتكٸشٸ 3 پايىزعا تٶمەندەدٸ. بٸرلەسكەن ۆەدومستۆوارالىق جۇمىستىڭ ارقاسىندا جاراقاتتاردان, جازاتايىم وقيعالاردان جەنە ۋلانۋدان بولاتىن ٶلٸم-جٸتٸم كٶرسەتكٸشٸ 15 پايىزعا ازايدى. تۋبەركۋلەز سيياقتى قاۋٸپتٸ اۋرۋدان بولاتىن ٶلٸم 21 پايىزعا تٶمەندەدٸ.
«بۇل قۇرعاق سانداردىڭ ارتىندا ادام ٶمٸرٸ, مەديتسينا قىزمەتكەرلەرٸنٸڭ قاجىرلى ەڭبەگٸ, سونداي-اق ٸشكٸ ٸستەر قىزمەتتەرٸنٸڭ, جەرگٸلٸكتٸ اتقارۋشى جەنە ورتالىق مەملەكەتتٸك ورگانداردىڭ قىزمەتٸ تۇرعانىن اتاپ ٶتكەن جٶن. تٸپتٸ ٶلٸمنٸڭ كەم دەگەندە 1%-عا تٶمەندەۋٸ دە ٷلكەن جەتٸستٸك بولىپ سانالادى, ٶيتكەنٸ ەل اۋقىمىندا بۇل پايىزدىڭ ارتىندا مىڭداعان ادامنىڭ ٶمٸرٸ جاتىر», - دەدٸ تسوي.
