Qazaqstandaǵy Covid 19-dy qoǵamdyq baqylaý resmi toby men Qazaqstannyń Azamattyq aliansymen birlesip «Azamattyq saraptama» onlain jobasyn ótkizdi, dep habarlaidy "Ult aqparat".
Bul joba áleýmettik-ekonomikalyq jaǵdaidy memlekettik bilik organdaryna táýelsiz qoǵam múddeleri turǵysynan taldaýǵa múmkindik beredi.
Jobanyń maqsaty - sarapshylyq qoǵamdastyqtyń rólin arttyrý, qoǵamdyq pikirtalastardy kásibi platforma, bilim men naqty tájiribege súiene otyryp, eń tiimdi sheshimderge basty nazar aýdaratyn arnaiy alańdarda ótkizý.
«Biz saýalnamalar júrgizemiz, jariialanymdarǵa, sonyń ishinde áleýmettik jelilerge saraptama jasap, sarapshylarǵa suhbat beremiz, salalyq koalitsiialardyń qyzmetine toqtalamyz, dóńgelek ústelder, memlekettik organdarmen kezdesýler, konferentsiialar, qoǵamdyq pikirsaiystar, onlain-pikirsaiystar ótkizemiz», - delingen habarlamada.
Jiynda talqylanǵan negizgi másele - memleket qarjylandyratyn granttarǵa qatysty.
Jyl saiyn úkimettik emes uiymdar júzege asyratyn áleýmettik jobalarǵa júzdegen million teńge jumsalady.
Sonymen qatar, bul taldaý jasaý júiesi aiasynda elimizde júrgizilip jatqan jobalar qanshalyqty tiimdi, olar naqty bastamany nege qoldady? Olardyń tiimdiligi qanshalyqty joǵary? Bólingen qarajat qanshalyqty ashyq jumsalady? degen suraqtar jan-jaqty talqylanyp, zerdelenbek.
