Qazgidromet aldaǵy kúnderge arnalǵan aýa raiy boljamyn jariialady, - dep habarlaidy "Ult aqparat".
Sinoptikterdiń málimetinshe, tsiklon jyrasynyń áserinen, demalys kúnderi elimizdiń kóp bóliginde jańbyr jaýady, soltústik aimaqtarda qar aralas jańbyr bolady.
"Atlantikalyq aimaqtardan antitsiklonnyń kelýinen aýa temperatýrasy birtindep tómendeidi, al aptanyń basynda jaýyn-shashyn toqtaidy. Eldiń ońtústik-shyǵysynda atmosferalyq fronttarmen aptanyń aiaǵyna deiin jańbyr jaýady. Respýblika boiynsha jeldiń kúsheiýi kútiledi, eldiń shyǵysynda, soltústiginde, batysynda tuman, soltústiginde-kóktaiǵaq boljanady.
Aýa temperatýrasy respýblikanyń basym bóliginde tómendeidi. Qazaqstannyń batysynda túnde 10 gradýs jyly - 3 gradýs aiazǵa deiin tómendeidi, kúndiz 8-15 gradýs, ońtústik-batysta 20 gradýs jylyǵa deiin joǵarylaidy; soltústikte, eldiń ortalyǵynda túngi ýaqytta 8 gradýs jyly - 3 gradýs aiazǵa deiin, kúndiz 5-14 gradýs jylyǵa deiin tómendeidi; shyǵysta negizgi fon túnde 8 gradýs jyly - gradýs 5 aiaz, kúndiz 10-21 gradýs jylyǵa deiin tómendeidi; respýblikanyń ońtústiginde túnde 0-11 gradýs jylyǵa deiin, kúndiz 15-23 gradýs jylyǵa deiin tómendeidi; ońtústik-shyǵysta túnde negizgi fon 3-12 gradýs jyly, taýly aimaqtarda 3 gradýs jyly - 5 gradýs aiazǵa deiin, kúndiz 7-20 gradýs jylyǵa deiin tómendeidi", - delingen habarlamada.
