Foto: Ekologiia ministrligi
2024 jyldyń qyrkúieginde Niderlandydan Ile-Balqash rezervatyna ákelingen Amýr jolbarystary Bogdan men Kýma juptasa bastady, dep habarlaidy Ekologiia ministrliginiń baspasóz qyzmeti.
Vedomstvo atap ótkendei, bul jyrtqyshtardyń jańa ortaǵa sátti beiimdelgenin jáne olardy ustaý jaǵdailary ómir súrýge jáne kóbeiýge yńǵaily dep tanylǵanyn bildiredi.
"Jyrtqyshtardyń beiimdelýi — aýmaqty igerýdi jáne kúizelis týdyratyn faktorlardy azaitýdy qamtydy. Juptasý — jolbarystardyń ózderin qaýipsiz sezinetinin meńzeitin mańyzdy belgi. Endi bolashaqta Qazaqstanda jolbarystardyń jańa popýliatsiiasyn qalyptastyrý úshin negiz bolatyn urpaq paida bolady degen úmit bar", — delingen ministrlik habarlamasynda.
Qazaqstanda amýr jolbarysyn reintrodýktsiialaý baǵdarlamasy 2018 jyly WWF jáne BUUDB qoldaýymen bastaldy. Endi joba jańa kezeńge ótti: olar qorshaýlarda dúniege kelgen jolbarystardy da, Reseidiń Qiyr Shyǵysynan ákelingen jolbarystardy da jabaiy tabiǵatqa shyǵarýdy josparlap otyr.
Amýr jolbarysynyń oralýy — bul eldiń ekojúiesin qalpyna keltirýdegi mańyzdy qadam. Mamandar Bogdan men Kýmany baqylaýdy jalǵastyrýda. Olar jaqyn arada jolbarystar otbasynda kishkentai shónjikter paida bolady dep úmittenedi.
