Qazaqstanda alǵash ret bilim berý uiymdarynyń basshylaryn rotatsiialaý bastaldy, dep habarlaidy "Ult aqparat" BǴM baspasóz qyzmetine silteme jasap.
Birinshi bolyp Aqtóbe oblysyndaǵy 4 kolledjdiń, iaǵni Aqtóbe joǵary politehnikalyq kolledji, Aqtóbe gýmanitarlyq kolledji, Aqtóbe kólik, kommýnikatsiia jáne jańa tehnologiialar kolledji, Aqtóbe joǵary aýyl sharýashylyǵy kolledjiniń direktory qaita taǵaiyndaldy. Sheshimdi memlekettik tehnikalyq jáne kásiptik bilim berý uiymdarynyń basshylaryn rotatsiialaý jónindegi komissiia qabyldady.
Kolledjderdiń jańa direktorlarynyń aldyna bilim berý sapasyn arttyrý jáne kadrlardy daiarlaýdy kúsheitý mindetteri qoiyldy.
«Ótken jyly ministrlik memlekettik bilim berý uiymdarynyń birinshi basshylaryn rotatsiialaý erejelerin bekitti. Buǵan deiin úlken jumys atqaryldy, normativtik quqyqtyq aktilerge ózgerister engizildi. Biyl biz mektepter men kolledjderdiń direktorlaryn rotatsiialaýdy bastadyq. Bir uiymda 15-20 jáne odan da kóp jyl jumys isteitin menedjerler bar. Bul ýaqyt ishinde olardyń tiimdiligi tómendeidi. Rotatsiianyń oń áserleri týraly osyǵan deiin de aityldy. Mysaly, bul birden birneshe bilim berý uiymynda tiimdi basqarýshylardyń áleýetin arttyrýǵa múmkindik beredi. Sonymen qatar ol sybailas jemqorlyq táýekelderin azaitýǵa múmkindik beredi. Ókinishke qarai, eger adam kóp jyldar boiy bir uiymdy basqarsa ondai másele týyndaýy múmkin», – dep atap ótti birinshi vitse-ministr Sholpan Karinova.
Ereje boiynsha rotatsiia bir bilim berý uiymynda 4-7 jyl jumys isteitin balabaqshalardyń, mektepterdiń, kolledjderdiń direktorlaryna qoldanylady. Bul rette bir bilim berý uiymynda 4 jyl qyzmet atqaratyn birinshi basshy rotatsiiadan bas tarta alady. Biraq eger direktor 7 jyldan astam ýaqyt jumys istese, onda ol mindetti túrde rotatsiialanady.
Aita keteiik, óńirlerdiń bilim basqarmalary bilim berý uiymdarynyń birinshi basshylaryn rotatsiialaýdy bir eldi meken ishinde júrgizedi. Sonymen qatar qaita taǵaiyndaý bir tiptegi uiymdardyń basshylary arasynda júzege asyrylady. Budan bólek, rotatsiia kezinde birinshi basshylardyń biliktilik sanaty saqtalady.
Rotatsiia institýty bilim berý uiymdaryndaǵy menedjmentti jaqsartýǵa jáne birinshi basshylardyń tiimdiligin arttyrýǵa múmkindik beredi dep kútilýde.
