Elimizdiń kómir óndirýshi kompaniialary biylǵy 9 aida 78 mln tonna kómir óndirdi, dep habarlaidy "Ult aqparat".
QR Indýstriia jáne infraqurylymdyq damý ministrliginiń Telegram kanalynda jariialanǵan aqparatqa sáikes, energiia óndirýshi kásiporyndarǵa 42 mln tonna, ónerkásip kásiporyndaryna 4,2 mln tonna, kommýnaldyq-turmystyq qajettilikterge jáne turǵyndarǵa 6,3 mln tonna kómir jóneltildi.
2020-2021 jylǵy kezeńde arnalǵan qajettilikter josparyna sáikes jalpy tutyný kólemi shamamen 10 mln tonnany qurasa, onyń ishinde kommýnaldyq-turmystyq sektorǵa shamamen 2,8 mln tonna, turǵyndarǵa – 7,2 mln tonna kózdelgen.
2020 jylǵy 19 qazandaǵy jaǵdai boiynsha kómirmen qamtamasyz etý deńgeii kommýnaldyq-turmystyq sektorda 84, turǵyndardy qamtamasyz etý 76 paiyzdy qurady. Barlyq aimaqtarda kómir qory daiyndalǵan. Tapshylyq joq. Óńirler kómirdi kestege sáikes jetkizip jatyr.
