Elimizde 7 jol ýchaskesinde aqy alý júiesi iske qosyldy. Bul týraly QR IIDM Avtomobil joldary komitetiniń tóraǵasy Tólegen Abdýllin aitty, dep habarlaidy QazAqparat.
Ortalyq kommýnikatsiialar qyzmetindegi baspasóz máslihatynda ol osy jyldyń 1 qazany men 15 qarashasy aralyǵynda 4 jolaqty qozǵalysy bar birinshi sanattaǵy respýblikalyq mańyzdaǵy avtojoldardyń 7 ýchaskesinde jol júrý úshin aqy alý júiesine qorytyndy testileý júrgizilgenin atap ótti. Olar: «Nur – Sultan – Pavlodar», «Qapshaǵai – Taldyqorǵan», «Taraz – Qainar», «Shymkent – Taraz», «Shymkent – Qyzylorda», «Shymkent – Tashkent», «Shýchinsk-Kókshetaý» ýchaskeleri.
«Joǵaryda atalǵan ýchaskeler boiynsha aqy alý júiesin engizý týraly buiryqtar ádilet organdarynda 15 qarasha kúni memlekettik tirkeý rásiminen ótti. Al keshe, iaǵni 23 qarashadan bastap zańdy kúshine enedi. Sáikesinshe osy kúnnen bastap jol júrý aqysy alyna bastady», - dedi Tólegen Abdýllin.
