1 qyrkúiektegi jaǵdai boiynsha Batys Qazaqstan jáne Túrkistan oblystarynda dándi jáne dándi-burshaqty daqyldardy jinaý aiaqtalýǵa jaqyn. Bul týraly "Ult aqparat" AShM baspasóz qyzmetine silteme jasap habarlaidy.
Tamyz aiynyń sońynda Jambyl oblysynda egin jinaý jumystary aiaqtaldy. Biyl Áýlieata óńirinde 359,3 myń ga jerge dándi jáne burshaqty daqyldar egildi. Aimaq diqandary 816,6 myń tonna bastyrdy, bul ótken jylmen salystyrǵanda 136 myń tonnaǵa artyq. Bul jetistikke jambyldyqtar egis alqabyn 26 myń gektarǵa keńeitý jáne gektarynan 22,7 tsentrge deiin shyǵymdyqtylyqtyń ulǵaiýyna bailanysty jetip otyr.
Batys Qazaqstan jáne Túrkistan oblystarynda alqaptardyń 95%-dan astamy jinaldy. Ótken jyly osy kúni osy óńirlerde egistiktiń 75%-na jýyǵy jinalǵan edi.
Qazirgi ýaqytta BQO-da ortasha ónimdilik gektaryna 11,3 ts, Túrkistan oblysynda gektaryna 23,8 ts deńgeiinde.
Almaty oblysynda egis alqaptarynyń jartysynan kóbi jinaldy. Basqa óńirlerde – Aqmola, Aqtóbe, Shyǵys Qazaqstan, Qaraǵandy, Qostanai, Qyzylorda, Pavlodar jáne Soltústik Qazaqstan oblystarynda búginde egin alqaptarynyń 23-43% jinaldy.
Jalpy respýblika boiynsha 1 qyrkúiekke 5,8 mln gektardan astam dándi jáne burshaqty daqyldar jinaldy. Bul barlyq jinaý alańynyń 37,3% quraidy. Ortasha ónimdilik 12,2 ts/ga quraidy.
