1 قىركٷيەكتەگٸ جاعداي بويىنشا باتىس قازاقستان جەنە تٷركٸستان وبلىستارىندا دەندٸ جەنە دەندٸ-بۇرشاقتى داقىلداردى جيناۋ اياقتالۋعا جاقىن. بۇل تۋرالى "ۇلت اقپارات" اشم باسپاسٶز قىزمەتٸنە سٸلتەمە جاساپ حابارلايدى.
تامىز ايىنىڭ سوڭىندا جامبىل وبلىسىندا ەگٸن جيناۋ جۇمىستارى اياقتالدى. بيىل ەۋليەاتا ٶڭٸرٸندە 359,3 مىڭ گا جەرگە دەندٸ جەنە بۇرشاقتى داقىلدار ەگٸلدٸ. ايماق ديقاندارى 816,6 مىڭ توننا باستىردى, بۇل ٶتكەن جىلمەن سالىستىرعاندا 136 مىڭ تونناعا ارتىق. بۇل جەتٸستٸككە جامبىلدىقتار ەگٸس القابىن 26 مىڭ گەكتارعا كەڭەيتۋ جەنە گەكتارىنان 22,7 تسەنترگە دەيٸن شىعىمدىقتىلىقتىڭ ۇلعايۋىنا بايلانىستى جەتٸپ وتىر.
باتىس قازاقستان جەنە تٷركٸستان وبلىستارىندا القاپتاردىڭ 95%-دان استامى جينالدى. ٶتكەن جىلى وسى كٷنٸ وسى ٶڭٸرلەردە ەگٸستٸكتٸڭ 75%-نا جۋىعى جينالعان ەدٸ.
قازٸرگٸ ۋاقىتتا بقو-دا ورتاشا ٶنٸمدٸلٸك گەكتارىنا 11,3 تس, تٷركٸستان وبلىسىندا گەكتارىنا 23,8 تس دەڭگەيٸندە.
الماتى وبلىسىندا ەگٸس القاپتارىنىڭ جارتىسىنان كٶبٸ جينالدى. باسقا ٶڭٸرلەردە – اقمولا, اقتٶبە, شىعىس قازاقستان, قاراعاندى, قوستاناي, قىزىلوردا, پاۆلودار جەنە سولتٷستٸك قازاقستان وبلىستارىندا بٷگٸندە ەگٸن القاپتارىنىڭ 23-43% جينالدى.
جالپى رەسپۋبليكا بويىنشا 1 قىركٷيەككە 5,8 ملن گەكتاردان استام دەندٸ جەنە بۇرشاقتى داقىلدار جينالدى. بۇل بارلىق جيناۋ الاڭىنىڭ 37,3% قۇرايدى. ورتاشا ٶنٸمدٸلٸك 12,2 تس/گا قۇرايدى.
