Ákimdikterdiń tabiǵat jáne orman qorǵaý mekemeleriniń ókilderi 464 myń gektar aýmaqta 1,1 mlrd tel ekti.
Bul týraly Úkimet otyrysynda QR Ekologiia, geologiia jáne tabiǵi resýrstar ministri Maǵzum Myrzaǵaliev aitty, dep habarlaidy QazAqparat.
«Orman qoryna jatatyn jerlerdiń jalpy kólemi 30 mln gektardy quraidy jáne respýblikamyzdyń 11%-in alyp jatyr. 13 mln gektar jerde orman ósip jatyr, orman kóleminiń kórsetkishi 4,8%-dy quraidy. Ormandy alqaptar Qyzylorda, Jambyl oblystaryn alyp jatyr. Ol jerlerde negizinen sekseýilder ósedi. Balqaraǵai, maiqaraǵai, samyrsyn jáne shyrsha siiaqty asa qundy aǵash túrleriniń qorlary ShQO men Almaty oblysynda shoǵyrlanǵanyn aita ketý qajet. Memleket basshysy qyrkúiek aiynda óziniń Joldaýynda eldi aýqymdy kógaldandyrý maqsatynda 5 jyl ishinde 2 mlrd tal egýdi tapsyrǵany belgili. Osyǵan bailanysty ministrlik oblys ákimdikterimen birlesip, óńirler boiynsha tal egý kólemi anyqtaldy», - deidi QR Ekologiia, geologiia jáne tabiǵi resýrstar ministri Maǵzum Myrzaǵaliev.
Onyń aitýynsha, ákimdikterdiń tabiǵat jáne orman qorǵaý mekemeleriniń ókilderi 464 myń gektar aýmaqta 1,1 mlrd tal ekti.
«Barynsha kóp tal egý Túrkistan, Qyzylorda jáne Jambyl oblystarynda josparlanyp otyr. Bul jerde atalǵan mólsherdiń negizgi úlesi sekseýil bolady. Aral teńiziniń qurǵap qalǵan bóliginde de osy jumystar atqarylady. Respýblikanyń ortalyq óńirlerinde qaraǵai, shyrsha, qaiyń siiaqty negizgi orman quraýshy tuqymdarǵa jatatyn taldar egiledi.
Budan basqa, Ulttyq parkter men rezervattar aýmaǵynda 62,5 myń gektar alqapta shamamen 250 mln kóshet otyrǵyzylady. Al kompensatsiia retinde otyrǵyzylatyn aǵashtar avtomobil jáne temirjoldar boiyndaǵy qorǵanys jolaqtary, sondai-aq halyqaralyq granttar esebinen 180-2000 gektar alqapqa 700 mln aǵash ósiriledi. Qazirgi ýaqytta respýblika boiynsha 155 orman baǵy jumys isteidi. Sonymen qatar, ýaqytsha tuqymbaqtar qurý máselesi týyndaýy múmkin. Orman mekemeleriniń materialdyq-tehnikalyq jabdyqtalýyn nyǵaitý qajet ekenin aitqym keledi», - deidi ol.
