ەكٸمدٸكتەردٸڭ تابيعات جەنە ورمان قورعاۋ مەكەمەلەرٸنٸڭ ٶكٸلدەرٸ 464 مىڭ گەكتار اۋماقتا 1,1 ملرد تەل ەكتٸ.
بۇل تۋرالى ٷكٸمەت وتىرىسىندا قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ ايتتى, دەپ حابارلايدى قازاقپارات.
«ورمان قورىنا جاتاتىن جەرلەردٸڭ جالپى كٶلەمٸ 30 ملن گەكتاردى قۇرايدى جەنە رەسپۋبليكامىزدىڭ 11%-ٸن الىپ جاتىر. 13 ملن گەكتار جەردە ورمان ٶسٸپ جاتىر, ورمان كٶلەمٸنٸڭ كٶرسەتكٸشٸ 4,8%-دى قۇرايدى. ورماندى القاپتار قىزىلوردا, جامبىل وبلىستارىن الىپ جاتىر. ول جەرلەردە نەگٸزٸنەن سەكسەۋٸلدەر ٶسەدٸ. بالقاراعاي, مايقاراعاي, سامىرسىن جەنە شىرشا سيياقتى اسا قۇندى اعاش تٷرلەرٸنٸڭ قورلارى شقو مەن الماتى وبلىسىندا شوعىرلانعانىن ايتا كەتۋ قاجەت. مەملەكەت باسشىسى قىركٷيەك ايىندا ٶزٸنٸڭ جولداۋىندا ەلدٸ اۋقىمدى كٶگالداندىرۋ ماقساتىندا 5 جىل ٸشٸندە 2 ملرد تال ەگۋدٸ تاپسىرعانى بەلگٸلٸ. وسىعان بايلانىستى مينيسترلٸك وبلىس ەكٸمدٸكتەرٸمەن بٸرلەسٸپ, ٶڭٸرلەر بويىنشا تال ەگۋ كٶلەمٸ انىقتالدى», - دەيدٸ قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ.
ونىڭ ايتۋىنشا, ەكٸمدٸكتەردٸڭ تابيعات جەنە ورمان قورعاۋ مەكەمەلەرٸنٸڭ ٶكٸلدەرٸ 464 مىڭ گەكتار اۋماقتا 1,1 ملرد تال ەكتٸ.
«بارىنشا كٶپ تال ەگۋ تٷركٸستان, قىزىلوردا جەنە جامبىل وبلىستارىندا جوسپارلانىپ وتىر. بۇل جەردە اتالعان مٶلشەردٸڭ نەگٸزگٸ ٷلەسٸ سەكسەۋٸل بولادى. ارال تەڭٸزٸنٸڭ قۇرعاپ قالعان بٶلٸگٸندە دە وسى جۇمىستار اتقارىلادى. رەسپۋبليكانىڭ ورتالىق ٶڭٸرلەرٸندە قاراعاي, شىرشا, قايىڭ سيياقتى نەگٸزگٸ ورمان قۇراۋشى تۇقىمدارعا جاتاتىن تالدار ەگٸلەدٸ.
بۇدان باسقا, ۇلتتىق پاركتەر مەن رەزەرۆاتتار اۋماعىندا 62,5 مىڭ گەكتار القاپتا شامامەن 250 ملن كٶشەت وتىرعىزىلادى. ال كومپەنساتسييا رەتٸندە وتىرعىزىلاتىن اعاشتار اۆتوموبيل جەنە تەمٸرجولدار بويىنداعى قورعانىس جولاقتارى, سونداي-اق حالىقارالىق گرانتتار ەسەبٸنەن 180-2000 گەكتار القاپقا 700 ملن اعاش ٶسٸرٸلەدٸ. قازٸرگٸ ۋاقىتتا رەسپۋبليكا بويىنشا 155 ورمان باعى جۇمىس ٸستەيدٸ. سونىمەن قاتار, ۋاقىتشا تۇقىمباقتار قۇرۋ مەسەلەسٸ تۋىنداۋى مٷمكٸن. ورمان مەكەمەلەرٸنٸڭ ماتەريالدىق-تەحنيكالىق جابدىقتالۋىن نىعايتۋ قاجەت ەكەنٸن ايتقىم كەلەدٸ», - دەيدٸ ول.
