Biyl 25 animatsiialyq joba óndiriske engizildi. Bul týraly Májilis depýtattarynyń saýalyna QR Premer-Ministriniń orynbasary Eraly Toǵjanovtyń jaýabynda aitylǵan, dep habarlaidy "Ult aqparat".
«Elimizde 2010 jyldan beri memlekettik biýdjet esebinen 130-dan astam animatsiialyq jobalar iske asyryldy. Onyń ishinde Mádeniet jáne sport ministrliginiń qoldaýymen 50-den astam mýltfilm, «Balapan» telearnasynyń tapsyrysymen 80 animatsiialyq joba jasaldy. Memleket tarapynan animatsiialyq jobalardy qarjylandyrý kólemi jyldan jylǵa artyp otyr. Mádeniet jáne sport ministrligi arqyly 2018 jáne 56 mln teńge, 2019 jyly 105 mln teńge bólinse, 2020 jyly bul kórsetkish 1 mlrd teńgeden asty. «Balapan» telearnasy 2020-2021 jyldary balalarǵa arnalǵan otandyq kontentti óndirýge 2 mlrd teńgege jýyq qarajat qarastyrǵan», - dedi ol.
Sonymen birge, vitse-premerdiń aitýynsha, animatsiialyq filmderdiń mazmuny men sapasyn arttyrý boiynsha jumys júrgizilýde. 2019 jyly qabyldanǵan «Kinematografiia týraly» Zańǵa sai ulttyq filmderdi, sonyń ishinde animatsiialyq ónimderdi irikteýge jaýapty Ulttyq kinony qoldaý memlekettik ortalyǵy quryldy. Atalǵan Zańǵa sáikes memlekettik tapsyrysqa úmitker jobalar ortalyq janyndaǵy saraptamalyq keńeste, sodan keiin ulttyq filmderdi memlekettik
qarjylyq qoldaý máseleleri jónindegi vedomstvoaralyq komissiiamen qaralady. Saraptamalyq keńes pen vedomstvoaralyq komissiia kinojobalardyń kórkemdik ideiasymen qatar, olardyń tárbielik mánin baǵalaidy. Saraptamalyq keńestiń quramyna elimizge bedeldi animatorlar kiredi.
«Sonymen qatar, 2019 jyldyń sońynda «Balapan» telearnasy arqyly jasalatyn animatsiialyq jobalardy irikteýdiń jańa qaǵidalary ázirlendi. Oǵan sáikes týyndylar eki kezeńde arnaiy kórkemdik keńestiń irikteýinen ótedi. Irikteý barysynda mýltfilmderdiń ideiasy, stsenariii, tehnikalyq oryndalýy jáne shyǵarmashylyq toptyń portfoliosy baǵalanady. Bul jumystarǵa psiholog, pedagog, áleýmettanýshy, til mamandary jáne balalar jazýshylary qatysady. Jańa qaǵidalarǵa sáikes biylǵy jyly oqý-tanymdyq, shytyrman oqiǵaly, oiyn-saýyqtyq janrda 25 animatsiialyq joba óndiriske engizildi. Sondai-aq, animatsiianyń damýyna jańa serpin berý maqsatynda telearnanyń efir jelisinde mýltfilmder úlesi 60 paiyzdan 80 paiyzǵa deiin kóbeitildi», - dedi Eraly Toǵjanov.
