بيىل 25 انيماتسييالىق جوبا ٶندٸرٸسكە ەنگٸزٸلدٸ. بۇل تۋرالى مەجٸلٸس دەپۋتاتتارىنىڭ ساۋالىنا قر پرەمەر-مينيسترٸنٸڭ ورىنباسارى ەرالى توعجانوۆتىڭ جاۋابىندا ايتىلعان, دەپ حابارلايدى "ۇلت اقپارات".
«ەلٸمٸزدە 2010 جىلدان بەرٸ مەملەكەتتٸك بيۋدجەت ەسەبٸنەن 130-دان استام انيماتسييالىق جوبالار ٸسكە اسىرىلدى. ونىڭ ٸشٸندە مەدەنيەت جەنە سپورت مينيسترلٸگٸنٸڭ قولداۋىمەن 50-دەن استام مۋلتفيلم, «Balapan» تەلەارناسىنىڭ تاپسىرىسىمەن 80 انيماتسييالىق جوبا جاسالدى. مەملەكەت تاراپىنان انيماتسييالىق جوبالاردى قارجىلاندىرۋ كٶلەمٸ جىلدان جىلعا ارتىپ وتىر. مەدەنيەت جەنە سپورت مينيسترلٸگٸ ارقىلى 2018 جەنە 56 ملن تەڭگە, 2019 جىلى 105 ملن تەڭگە بٶلٸنسە, 2020 جىلى بۇل كٶرسەتكٸش 1 ملرد تەڭگەدەن استى. «بالاپان» تەلەارناسى 2020-2021 جىلدارى بالالارعا ارنالعان وتاندىق كونتەنتتٸ ٶندٸرۋگە 2 ملرد تەڭگەگە جۋىق قاراجات قاراستىرعان», - دەدٸ ول.
سونىمەن بٸرگە, ۆيتسە-پرەمەردٸڭ ايتۋىنشا, انيماتسييالىق فيلمدەردٸڭ مازمۇنى مەن ساپاسىن ارتتىرۋ بويىنشا جۇمىس جٷرگٸزٸلۋدە. 2019 جىلى قابىلدانعان «كينەماتوگرافييا تۋرالى» زاڭعا ساي ۇلتتىق فيلمدەردٸ, سونىڭ ٸشٸندە انيماتسييالىق ٶنٸمدەردٸ ٸرٸكتەۋگە جاۋاپتى ۇلتتىق كينونى قولداۋ مەملەكەتتٸك ورتالىعى قۇرىلدى. اتالعان زاڭعا سەيكەس مەملەكەتتٸك تاپسىرىسقا ٷمٸتكەر جوبالار ورتالىق جانىنداعى ساراپتامالىق كەڭەستە, سودان كەيٸن ۇلتتىق فيلمدەردٸ مەملەكەتتٸك
قارجىلىق قولداۋ مەسەلەلەرٸ جٶنٸندەگٸ ۆەدومستۆوارالىق كوميسسييامەن قارالادى. ساراپتامالىق كەڭەس پەن ۆەدومستۆوارالىق كوميسسييا كينوجوبالاردىڭ كٶركەمدٸك يدەياسىمەن قاتار, ولاردىڭ تەربيەلٸك مەنٸن باعالايدى. ساراپتامالىق كەڭەستٸڭ قۇرامىنا ەلٸمٸزگە بەدەلدٸ انيماتورلار كٸرەدٸ.
«سونىمەن قاتار, 2019 جىلدىڭ سوڭىندا «Balapan» تەلەارناسى ارقىلى جاسالاتىن انيماتسييالىق جوبالاردى ٸرٸكتەۋدٸڭ جاڭا قاعيدالارى ەزٸرلەندٸ. وعان سەيكەس تۋىندىلار ەكٸ كەزەڭدە ارنايى كٶركەمدٸك كەڭەستٸڭ ٸرٸكتەۋٸنەن ٶتەدٸ. ٸرٸكتەۋ بارىسىندا مۋلتفيلمدەردٸڭ يدەياسى, ستسەنارييٸ, تەحنيكالىق ورىندالۋى جەنە شىعارماشىلىق توپتىڭ پورتفوليوسى باعالانادى. بۇل جۇمىستارعا پسيحولوگ, پەداگوگ, ەلەۋمەتتانۋشى, تٸل ماماندارى جەنە بالالار جازۋشىلارى قاتىسادى. جاڭا قاعيدالارعا سەيكەس بيىلعى جىلى وقۋ-تانىمدىق, شىتىرمان وقيعالى, ويىن-ساۋىقتىق جانردا 25 انيماتسييالىق جوبا ٶندٸرٸسكە ەنگٸزٸلدٸ. سونداي-اق, انيماتسييانىڭ دامۋىنا جاڭا سەرپٸن بەرۋ ماقساتىندا تەلەارنانىڭ ەفير جەلٸسٸندە مۋلتفيلمدەر ٷلەسٸ 60 پايىزدان 80 پايىزعا دەيٸن كٶبەيتٸلدٸ», - دەدٸ ەرالى توعجانوۆ.
