millionǵa jýyq qaryz alýshynyń nesie merzimi keiinge qaldyryldy jáne 1,5 myńǵa jýyq nesie jeńildikpen kreditteý baǵdarlamasy boiynsha kredit alýǵa maquldaýdan ótti, dep habarlaidy "Ult aqparat".
Qarjy naryǵyn retteý jáne damytý agenttigi halyqty jáne biznesti qoldaý jónindegi sharalardyń oryndalýyn monitoringteýdi jalǵastyrýda.
2 maýsymdaǵy jaǵdai boiynsha, ekinshi deńgeili bankter jáne ózge kredittik uiymdar tólemdi toqtata turýǵa 265,8 mlrd teńgege 1 883 111 jeke tulǵanyń ótinishin maquldady. Onyń ishinde halyqtyń áleýmettik osal toptarynan 345 myńnan astam adam 42 mlrd teńgeniń nesie tólemin keiinge shegerdi. Bul - qaryzdanýshy jeke tulǵalardyń jalpy sanynyń 34 paiyzy.
Sondai-aq 12 411 shaǵyn jáne orta kásipkerlik sýbektisi 164,6 mlrd teńgege nemese shaǵyn jáne orta biznes sýbektileriniń 41,6% tóleý merzimin keiinge qaldyrdy.
Qalǵan ótinimder qaralyp jatyr. Olar boiynsha 10 jumys kúni ishinde tiisti sheshim qabyldanady. Kásipkerlerdi jeńildikpen kreditteý baǵdarlamasy sheńberinde qarajatty igerý monitoringi ekinshi deńgeili bankterden alynǵan derekter boiynsha 2 maýsymda shaǵyn jáne orta biznes sýbektileri jáne dara kásipkerlerge 187,8 mlrd teńge somaǵa 1336 qaryz maquldandy.
