ميلليونعا جۋىق قارىز الۋشىنىڭ نەسيە مەرزٸمٸ كەيٸنگە قالدىرىلدى جەنە 1,5 مىڭعا جۋىق نەسيە جەڭٸلدٸكپەن كرەديتتەۋ باعدارلاماسى بويىنشا كرەديت الۋعا ماقۇلداۋدان ٶتتٸ, دەپ حابارلايدى "ۇلت اقپارات".
قارجى نارىعىن رەتتەۋ جەنە دامىتۋ اگەنتتٸگٸ حالىقتى جەنە بيزنەستٸ قولداۋ جٶنٸندەگٸ شارالاردىڭ ورىندالۋىن مونيتورينگتەۋدٸ جالعاستىرۋدا.
2 ماۋسىمداعى جاعداي بويىنشا, ەكٸنشٸ دەڭگەيلٸ بانكتەر جەنە ٶزگە كرەديتتٸك ۇيىمدار تٶلەمدٸ توقتاتا تۇرۋعا 265,8 ملرد تەڭگەگە 1 883 111 جەكە تۇلعانىڭ ٶتٸنٸشٸن ماقۇلدادى. ونىڭ ٸشٸندە حالىقتىڭ ەلەۋمەتتٸك وسال توپتارىنان 345 مىڭنان استام ادام 42 ملرد تەڭگەنٸڭ نەسيە تٶلەمٸن كەيٸنگە شەگەردٸ. بۇل - قارىزدانۋشى جەكە تۇلعالاردىڭ جالپى سانىنىڭ 34 پايىزى.
سونداي-اق 12 411 شاعىن جەنە ورتا كەسٸپكەرلٸك سۋبەكتٸسٸ 164,6 ملرد تەڭگەگە نەمەسە شاعىن جەنە ورتا بيزنەس سۋبەكتٸلەرٸنٸڭ 41,6% تٶلەۋ مەرزٸمٸن كەيٸنگە قالدىردى.
قالعان ٶتٸنٸمدەر قارالىپ جاتىر. ولار بويىنشا 10 جۇمىس كٷنٸ ٸشٸندە تيٸستٸ شەشٸم قابىلدانادى. كەسٸپكەرلەردٸ جەڭٸلدٸكپەن كرەديتتەۋ باعدارلاماسى شەڭبەرٸندە قاراجاتتى يگەرۋ مونيتورينگٸ ەكٸنشٸ دەڭگەيلٸ بانكتەردەن الىنعان دەرەكتەر بويىنشا 2 ماۋسىمدا شاعىن جەنە ورتا بيزنەس سۋبەكتٸلەرٸ جەنە دارا كەسٸپكەرلەرگە 187,8 ملرد تەڭگە سوماعا 1336 قارىز ماقۇلداندى.
