20 kúnniń ishinde 1 synypqa qabyldaý úshin 75 myńǵa jýyq ótinish tústi. Bul týraly QR Bilim jáne ǵylym ministrliginiń Instagram-daǵy resmi paraqshasynda jariialady.
«Alty jasar jáne aǵymdaǵy kúntizbelik jyly 6 jasqa tolatyn balalardyń qujattaryn birinshi synypqa qabyldaý naýqany jalǵasyp jatyr. 20 kúnniń ishinde 75 myńǵa jýyq ótinish kelip tústi. Ótinishterdi qabyldaý elektrondyq formatta egov.kz arqyly júrgiziledi», - delingen ministrlik málimetinde.
Mektepke kelesi qujattardy usyný qajet:
- balanyń týý týraly kýáligi;
- balanyń densaýlyq jaǵdaiy týraly qujat (№026/ý-3 nysany boiynsha bala densaýlyǵy pasporty, №063/ý nysany boiynsha meditsinalyq anyqtama);
- 3h4 kólemindegi 2 fotosýret.
Sonymen qatar, «Qyzyl» aimaqta ornalasqan óńirlerde turatyn ata-analar meditsinalyq anyqtamalardy oqý jylynyń bastalýyna deiin tapsyra alady.
Budan buryn habarlanǵandai, 1 sáýirden bastap birinshi synypqa qabyldaý elektrondy formatta júrgizilip jatyr.
Aldaǵy oqý jylynda elimizde birinshi synyptarǵa 340 myńnan astam bala barady.
