20 كٷننٸڭ ٸشٸندە 1 سىنىپقا قابىلداۋ ٷشٸن 75 مىڭعا جۋىق ٶتٸنٸش تٷستٸ. بۇل تۋرالى قر بٸلٸم جەنە عىلىم مينيسترلٸگٸنٸڭ Instagram-داعى رەسمي پاراقشاسىندا جارييالادى.
«التى جاسار جەنە اعىمداعى كٷنتٸزبەلٸك جىلى 6 جاسقا تولاتىن بالالاردىڭ قۇجاتتارىن بٸرٸنشٸ سىنىپقا قابىلداۋ ناۋقانى جالعاسىپ جاتىر. 20 كٷننٸڭ ٸشٸندە 75 مىڭعا جۋىق ٶتٸنٸش كەلٸپ تٷستٸ. ٶتٸنٸشتەردٸ قابىلداۋ ەلەكتروندىق فورماتتا egov.kz ارقىلى جٷرگٸزٸلەدٸ», - دەلٸنگەن مينيسترلٸك مەلٸمەتٸندە.
مەكتەپكە كەلەسٸ قۇجاتتاردى ۇسىنۋ قاجەت:
- بالانىڭ تۋۋ تۋرالى كۋەلٸگٸ;
- بالانىڭ دەنساۋلىق جاعدايى تۋرالى قۇجات (№026/ۋ-3 نىسانى بويىنشا بالا دەنساۋلىعى پاسپورتى, №063/ۋ نىسانى بويىنشا مەديتسينالىق انىقتاما);
- 3ح4 كٶلەمٸندەگٸ 2 فوتوسۋرەت.
سونىمەن قاتار, «قىزىل» ايماقتا ورنالاسقان ٶڭٸرلەردە تۇراتىن اتا-انالار مەديتسينالىق انىقتامالاردى وقۋ جىلىنىڭ باستالۋىنا دەيٸن تاپسىرا الادى.
بۇدان بۇرىن حابارلانعانداي, 1 سەۋٸردەن باستاپ بٸرٸنشٸ سىنىپقا قابىلداۋ ەلەكتروندى فورماتتا جٷرگٸزٸلٸپ جاتىر.
الداعى وقۋ جىلىندا ەلٸمٸزدە بٸرٸنشٸ سىنىپتارعا 340 مىڭنان استام بالا بارادى.
