Elimizde KVI-den emdelgender sany 87%-ǵa deiin ósti. Bul týraly Ortalyq kommýnikatsiialar ortalyǵynda ótken eldegi epidemiologiialyq jaǵdai týraly brifingide aityldy, dep habarlaidy "Ult aqparat".
«Koronavirýs infektsiiasymen syrqattanýshylyq jaǵdaiy búkil álem boiynsha turaqsyz bolyp qalýda. Álemniń 220 elinde KVI-men aýyrǵan 84 000 000 jaǵdai tirkeldi, onyń ishinde 1 840 000 adam osy dert saldarynan kóz jumdy (2,2%). Bizdiń elimizde 156 943 naýqas COVID-19 juqtyrǵan jáne 45 946 adamǵa KVI diagnozy qoiylǵan», - deidi QR densaýlyq saqtaý ministri Aleksei Tsoi.
Sondai-aq, ol búgingi kúni elimizde saýyqqan adamdardyń sany 87%-ǵa deiin óskenin aitty.
«Al maýsym-shilde aiynda jazylyp shyqqandar qatary 60% aspaityn. Respýblika qaýipi tómen – jasyl aimaqta tur. Táýekeli joǵary nemese qyzyl aimaqta Atyraý oblysy qaldy, táýekeli ortasha nemese sary aýmaqta 6 óńir: SQO, Aqmola, Qostanai, Pavlodar oblystary men Nur-Sultan, Almaty qalalary qaldy», - deidi ol.
