Elimiz alǵa qoiǵan maqsattarǵa jetetinine senimdimin. Táýelsizdik kúnine orai qazaqstandyqtarǵa arnaǵan quttyqtaýynda QR Premer-Ministri Asqar Mamin osylai jazdy, dep habarlaidy "Ult aqparat" primeminister.kz saityna silteme jasap.
«Qymbatty qazaqstandyqtar, sizderdi Táýelsizdik kúnimen quttyqtaimyn! 1991 jylǵy 16 jeltoqsanda Qazaqstan Respýblikasynyń Joǵarǵy Keńesi «Qazaqstan Respýblikasynyń memlekettik táýelsizdigi týraly» Konstitýtsiialyq zańdy qabyldady.
Elimiz Qazaqstannyń Tuńǵysh Prezidenti – Elbasy Nursultan Ábishuly Nazarbaevtyń kóshbasshylyǵymen áleýmettik-ekonomikalyq damý, memlekettikti nyǵaitý jáne halyqaralyq bedelin arttyrý jolynda eleýli jetistikterge qol jetkizdi.
Qazaqstan qazirgidei jahandyq ekonomikalyq daǵdarys jáne pandemiiamen kúres kezinde ekonomikalyq turaqtylyqtyń joǵary deńgeiin kórsetip otyr.
Ekonomikanyń odan ári ósýin qamtamasyz etý, halyqtyń ómir súrý sapasy men ál-aýqatyn jaqsartý maqsatynda Memleket basshysy Qasym-Jomart Kemeluly Toqaev qurylymdyq áleýmettik-ekonomikalyq reformalardy iske asyrý, elimizdiń indýstriialyq, agroónerkásiptik jáne investitsiialyq áleýetin kúsheitý boiynsha aýqymdy mindetter qoidy.
Elimiz alǵa qoiǵan maqsattarǵa jetetinine senimdimin. Barlyq qazaqstandyqtarǵa myqty densaýlyq, igilik, tatýlyq pen órkendeýdi tileimin!», - delingen Asqar Maminniń quttyqtaýynda.
.jpeg)