QR Qarjy naryǵyn retteý jáne damytý agenttiginiń tóraǵasy Madina Ábilqasymova TJ rejimi kezinde Qazaqstanda 1 mln 890 myńnan astam azamatqa nesie tólemin keiinge qaldyrý múmkindigi berilgenin málimdedi, dep habarlaidy "Ult aqparat".
«Ekonomikalyq belsendiliktiń quldyraý jaǵdaiynda agenttiktiń basty mindeti – ekonomikany nesieleýdi qoldaý jáne biznes tarapynan nesielik resýrstarǵa qoljetimdiliktiń tómendeýine jol bermeý. Tótenshe jaǵdai kezinde agenttik qarjylyq qiyndyqqa tap bolǵan halyq pen bizneske qoldaý kórsetý úshin birqatar shara qabyldady. 16 naýryz ben 15 maýsym aralyǵyndaǵy kezeńde jeke tulǵalar, ShOB sýbektileri úshin nesieler boiynsha tólemderdi keiinge qaldyrý múmkindigi berildi. Bul kezeńde 1 mln 890 myńnan astam adamnyń nemese barlyq qaryz alýshy jeke tulǵanyń 34 paiyzynyń tólemderi keiinge qaldyryldy», - dedi Madina Ábilqasymova Úkimet otyrysynda.
Onyń aitýynsha atalǵan tólemder somasy 268 mlrd teńgeni quraǵan.
«Nesielerdi qaita qurylymdaýǵa 12 455 shaǵyn jáne orta biznes sýbektisi ótinish jasady. Bul ShOB-taǵy nesie alýshylardyń 42,5 paiyzyn quraidy. Qaita qurylymdalǵan tólemderdiń jalpy somasy – 165 mlrd teńge boldy», - dedi ol.
