Qazaqstanǵa kóship kelgen soń birinshi kezekte qandai qujatty rásimdeý qajet? Bul suraqqa «Otandastar qorynyń» mamandary jaýap berdi, dep habarlaidy QazAqparat.
«Otandastar qory» kommertsiialyq emes aktsionerlik qoǵamy sheteldegi etnikalyq qazaqtardan jáne elge qonys aýdarǵan qandastar tarapynan jii qoiylatyn suraqtarǵa jaýap beretin beinerolikter toptamasyn daiyndady.
Kezekti shyǵarylym elge kelgende eń birinshi rásimdeletin qujattarǵa arnaldy.
«Qazaqstanda turýǵa nemese Qazaqstan azamattyǵyn alýǵa kelgen etnikalyq qazaqtar birinshi kezekte jeke sáikestendirý nómirin (JSN) alýy qajet. JSN - on eki tsifrdan turatyn biregei kombinatsiia. JSN alý arqyly Qazaqstandaǵy ekinshi deńgeili bankterden shot asha alasyz. JSN alý úshin turǵylyqty jerińiz boiynsha halyqqa qyzmet kórsetý ortalyǵyna júginý kerek. Aita keteiik, jeke basty kýálandyratyn qujatty qazaq nemese orys tiline aýdarǵan kezde aty-jónińizdiń durys jazylǵanyna kóz jetkizińiz. Sebebi JSN alǵannan keiin rásimdeletin búkil qujattarda aty-jónińiz bastapqy aýdarma boiynsha jazylady» delingen videoda.
