قازاقستانعا كٶشٸپ كەلگەن سوڭ بٸرٸنشٸ كەزەكتە قانداي قۇجاتتى رەسٸمدەۋ قاجەت? بۇل سۇراققا «وتانداستار قورىنىڭ» ماماندارى جاۋاپ بەردٸ, دەپ حابارلايدى قازاقپارات.
«وتانداستار قورى» كوممەرتسييالىق ەمەس اكتسيونەرلٸك قوعامى شەتەلدەگٸ ەتنيكالىق قازاقتاردان جەنە ەلگە قونىس اۋدارعان قانداستار تاراپىنان جيٸ قويىلاتىن سۇراقتارعا جاۋاپ بەرەتٸن بەينەروليكتەر توپتاماسىن دايىندادى.
كەزەكتٸ شىعارىلىم ەلگە كەلگەندە ەڭ بٸرٸنشٸ رەسٸمدەلەتٸن قۇجاتتارعا ارنالدى.
«قازاقستاندا تۇرۋعا نەمەسە قازاقستان ازاماتتىعىن الۋعا كەلگەن ەتنيكالىق قازاقتار بٸرٸنشٸ كەزەكتە جەكە سەيكەستەندٸرۋ نٶمٸرٸن (جسن) الۋى قاجەت. جسن - ون ەكٸ تسيفردان تۇراتىن بٸرەگەي كومبيناتسييا. جسن الۋ ارقىلى قازاقستانداعى ەكٸنشٸ دەڭگەيلٸ بانكتەردەن شوت اشا الاسىز. جسن الۋ ٷشٸن تۇرعىلىقتى جەرٸڭٸز بويىنشا حالىققا قىزمەت كٶرسەتۋ ورتالىعىنا جٷگٸنۋ كەرەك. ايتا كەتەيٸك, جەكە باستى كۋەلاندىراتىن قۇجاتتى قازاق نەمەسە ورىس تٸلٸنە اۋدارعان كەزدە اتى-جٶنٸڭٸزدٸڭ دۇرىس جازىلعانىنا كٶز جەتكٸزٸڭٸز. سەبەبٸ جسن العاننان كەيٸن رەسٸمدەلەتٸن بٷكٸل قۇجاتتاردا اتى-جٶنٸڭٸز باستاپقى اۋدارما بويىنشا جازىلادى» دەلٸنگەن ۆيدەودا.
