Prezident Qasym-Jomart Toqaev Qazaqstan halqyna arnaǵan Joldaýynda sheteldik kólikti tirkeý máselesin retteýge nazar aýdardy, dep habarlaidy "Ult aqparat".
"Avtokólik satyp alý kezinde tólenetin alym-salyq máselesine jeke toqtalaiyn. Keibir jaqyn shetelderden ákelingen avtokólikterge qatysty túitkilder barshaǵa málim. Zań aiasynan tys qalyp otyrǵan mundai kólikter qoǵamdyq qaýipsizdikke qater tóndirýde. Zańsyz kólik ákeletin amal-tásildiń bárine tosqaýyl qoiý úshin batyl sharalar qabyldaý qajet.
Sondai-aq, 1 qyrkúiekke deiin elge ákelingen avtokólikterge qatysty ahýaldy retteý kerek. Olardy zańdastyrý maqsatynda ýtilizatsiia jáne alǵashqy tirkeý úshin tólenetin qarjy kólemin 200-250 myń teńgeden asyrmai, bárine birdei jáne bir rettik alym alýdy usynamyn. Bul – izdeý salynbaǵan jáne keden rásimderinen ótken kólikterge ǵana qatysty shara" - dedi Memleket basshysy.
