Qazaqstandyq boksshy Daniiar Eleýsinov (10-0, 6 KO) «Shriodinger sporty» Youtube arnasyna bergen suhbatynda kásibi mansabyn qashan aiaqtaityny týraly aitty, dep habarlaidy "Ult aqparat" Sports.kz saityna silteme jasap.
- «Pakiao jekpe-jegin 42 jastan bastap ótkizip keledi. Siz sporttyq mansabyńyzdy qashanǵa deiin jalǵastyrmaqsyz?»
- Bul bir Allaǵa aiań, ózime, onyń maǵan bergen kúshime bailanysty. Oǵan qosa, meniń qandai jekpe-jek ótkizýim de mańyzdy. Negizinen, boksshy jasynyń ulǵaiǵanyna bailanysty emes, aýyr judyryqtasýlardan qartaiady. Eger bári jaqsy ótse, eger sen chempion bolsań, ýaqytyly kete bilýiń de kerek. Bul – qaýipti sport túri. Árbir adamnyń otbasy bar, otbasy múshelerimniń keibireýleri meniń úlken sporttan ketýimdi surap jatyr, men ol týraly atqym kelmegen... Biraq boksqa kelgen soń, óz maqsatyma jetip, chempion atanǵym keledi. Áýesqoi bokstan bárin aldym, endi aldyma basqa maqsat qoiyp, kásibi sportqa óttim. Osy jerden kózdegenime jetkim keledi. Kásipqoi sportqa kelgende, Olimpiada chempiony bolsam da, atym belgisiz boldy. Endigi kózdegenim, ózimniń úzdikterdiń biri ekenin dáleldep, barlyq titýldardy jeńip alý.
