قازاقستاندىق بوكسشى دانييار ەلەۋسٸنوۆ (10-0, 6 كو) «شريودينگەر سپورتى» Youtube ارناسىنا بەرگەن سۇحباتىندا كەسٸبي مانسابىن قاشان اياقتايتىنى تۋرالى ايتتى, دەپ حابارلايدى "ۇلت اقپارات" Sports.kz سايتىنا سٸلتەمە جاساپ.
- «پاكياو جەكپە-جەگٸن 42 جاستان باستاپ ٶتكٸزٸپ كەلەدٸ. سٸز سپورتتىق مانسابىڭىزدى قاشانعا دەيٸن جالعاستىرماقسىز?»
- بۇل بٸر اللاعا اياڭ, ٶزٸمە, ونىڭ ماعان بەرگەن كٷشٸمە بايلانىستى. وعان قوسا, مەنٸڭ قانداي جەكپە-جەك ٶتكٸزۋٸم دە ماڭىزدى. نەگٸزٸنەن, بوكسشى جاسىنىڭ ۇلعايعانىنا بايلانىستى ەمەس, اۋىر جۇدىرىقتاسۋلاردان قارتايادى. ەگەر بەرٸ جاقسى ٶتسە, ەگەر سەن چەمپيون بولساڭ, ۋاقىتىلى كەتە بٸلۋٸڭ دە كەرەك. بۇل – قاۋٸپتٸ سپورت تٷرٸ. ەربٸر ادامنىڭ وتباسى بار, وتباسى مٷشەلەرٸمنٸڭ كەيبٸرەۋلەرٸ مەنٸڭ ٷلكەن سپورتتان كەتۋٸمدٸ سۇراپ جاتىر, مەن ول تۋرالى اتقىم كەلمەگەن... بٸراق بوكسقا كەلگەن سوڭ, ٶز ماقساتىما جەتٸپ, چەمپيون اتانعىم كەلەدٸ. ەۋەسقوي بوكستان بەرٸن الدىم, ەندٸ الدىما باسقا ماقسات قويىپ, كەسٸبي سپورتقا ٶتتٸم. وسى جەردەن كٶزدەگەنٸمە جەتكٸم كەلەدٸ. كەسٸپقوي سپورتقا كەلگەندە, وليمپيادا چەمپيونى بولسام دا, اتىم بەلگٸسٸز بولدى. ەندٸگٸ كٶزدەگەنٸم, ٶزٸمنٸڭ ٷزدٸكتەردٸڭ بٸرٸ ەكەنٸن دەلەلدەپ, بارلىق تيتۋلداردى جەڭٸپ الۋ.
