Qazaqstannyń birinshi, álemniń 22-raketkasy Elena Rybakina juptyq synda Rolan Garros týrniriniń shirek finalyna shyqty, dep habarlaidy "Ult aqparat".
Qazaqstandyq tennisshi reseilik Anastasiia Pavliýchenkovamen birge úshinshi ainalymda Frantsiia ashyq chempionatynyń 3-raketkalary, amerikalyq Nikol Melichar – niderlandylyq Demi Shiýrspen kúsh synasty.
Birinshi partiia barysynda amerikalyq-jup 4:3 esebimen alǵa ketkenimen, budan keiin E.Rybakina men A.Pavliýchenkova breik jasap, tarazy basyn teńestirdi. Sosyn setti taǵy bir breikpen túiindedi – 6:4.
Ekinshi sette esep 3:2 bolǵan mezette qazaqstandyq-reseilik jup breik jasai aldy – 4:2. Aqyry Elena Rybakina matchqa dopty jaqsy berdi – 6:3.
Báseke 1 saǵat 20 minýtqa sozyldy.
Qazaqstandyq-reseilik jup jartylai finalǵa ótý úshin Polsha ókili Magda Linett – amerikalyq Bernarda Peramen sheberlik baiqasady.
Sondai-aq erteń E.Rybakina men A.Pavliýchenkova jekelei synda «Rolan Garros» týrniriniń jartylai finalyna shyǵý úshin talasatyn bolady.
