Foto: Robert Prange/Getty Images
Búgin, 25 qazan kúni, qazaqstandyq tennisshi Elena Rybakina Tokioda (Japoniia) ótip jatqan WTA 500 týrniriniń jartylai finalynda chehiialyq Linda Noskovamen bolatyn matchtan bas tartty, dep jazady Ult.kz Sports.kz-ke silteme jasap.
Match bastalmai turyp-aq Rybakinanyń oinamaityny belgili boldy. Keiinirek sportshynyń ózi túsindirgendei, oǵan sebep — belindegi jaraqat máselesi.
Tokio týrnirine qatysqany jáne jartylai finalǵa shyqqany úshin Elena 59 000 dollar (shamamen 32 million teńge) syiaqy alady. Al finalǵa ótken sportshy 101 000 dollar (54 million teńgeden astam), al týrnir jeńimpazy 164 000 dollar (88 million 300 myń teńgege jýyq) tabys tabady.
Aita ketsek, Tokio týrniriniń shirek finalynda Elena Rybakina kanadalyq Viktoriia Mbokony jeńip, WTA maýsymdyq finalyna qatysýǵa múmkindik alǵan edi.
