فوتو: Robert Prange/Getty Images
بٷگٸن, 25 قازان كٷنٸ, قازاقستاندىق تەننيسشٸ ەلەنا رىباكينا توكيودا (جاپونييا) ٶتٸپ جاتقان WTA 500 تۋرنيرٸنٸڭ جارتىلاي فينالىندا چەحييالىق ليندا نوسكوۆامەن بولاتىن ماتچتان باس تارتتى, دەپ جازادى Ult.kz Sports.kz-كە سٸلتەمە جاساپ.
ماتچ باستالماي تۇرىپ-اق رىباكينانىڭ وينامايتىنى بەلگٸلٸ بولدى. كەيٸنٸرەك سپورتشىنىڭ ٶزٸ تٷسٸندٸرگەندەي, وعان سەبەپ — بەلٸندەگٸ جاراقات مەسەلەسٸ.
توكيو تۋرنيرٸنە قاتىسقانى جەنە جارتىلاي فينالعا شىققانى ٷشٸن ەلەنا 59 000 دوللار (شامامەن 32 ميلليون تەڭگە) سىياقى الادى. ال فينالعا ٶتكەن سپورتشى 101 000 دوللار (54 ميلليون تەڭگەدەن استام), ال تۋرنير جەڭٸمپازى 164 000 دوللار (88 ميلليون 300 مىڭ تەڭگەگە جۋىق) تابىس تابادى.
ايتا كەتسەك, توكيو تۋرنيرٸنٸڭ شيرەك فينالىندا ەلەنا رىباكينا كانادالىق ۆيكتورييا مبوكونى جەڭٸپ, WTA ماۋسىمدىق فينالىنا قاتىسۋعا مٷمكٸندٸك العان ەدٸ.
