Foto: Robert Prange/Getty Images
Qazaqstandyq tennisshi, álemniń 4-raketkasy Elena Rybakina Parij Olimpiadasyna qatyspaidy. Bul týraly otandyq tennis federatsiiasynyń baspasóz qyzmeti málimdedi, dep habarlaidy "Ult Aqparat" Qazaqstannyń Olimpiada komitetine silteme jasap.
Rybakinanyń jazǵy oiyndardan syrt qalýyna densaýlyǵynyń syr berýi sebep bolǵan.
"Elena bronhittiń qabynýynan syrqattanyp qaldy, dárigerler onyń kortqa shyǵýyna ǵana emes, jarysqa ushyp kelýine de qatań tyiym saldy. Rybakina jazǵy oiynǵa belsendi túrde daiyndalyp, óziniń joǵary deńgeiin kórsetkisi kelgen. Alaida, syrqatyna bailanysty bul múmkin bolmady", - delingen federatsiia habarlamasynda.
Aita ketelik, Elena Rybakina jerebe tartý rásiminiń qorytyndysy boiynsha rýmyniialyq Kristian Jaklinmen kezdesýi kerek edi.
Rybakina buǵan deiin Tokio Olimpiadasyna qatysyp, qola medal úshin ótken matchta jeńilis tapty.
