Elordada Billi Djin King kýbogy aiasynda ótip jatqan Qazaqstan – Germaniia matchynda Elena Rybakina esepti 2:0-ge jetkizdi, dep habarlaidy QazAqparat.
Qazaqstannyń birinshi, álemniń 19-raketkasy Rybakina dúniejúzilik reitingte 232-orynda turǵan Laýra Zigemýndpen synǵa tústi.
Rybakina 22 jasta bolsa, germaniialyq tennisshi 34-te. Osyǵan deiin qarsylastar úsh márte kezdesip, sonyń ekeýinde qazaqstandyq tennisshi jeńgen edi.
Bul joly Rybakina birinshi partiiada Zigemýndqa birde-bir geim bermei, 22 minýtta 6:0 esebimen tize búktirdi.
Ekinshi setti germaniialyq sportshy breikpen bastaǵanymen, Elena tarazy basyn tarazy basyn sol boida teńestirip qana qoimai, esepti 5:1-ge jetkizdi.
Sosyn matchqa dop bergende qarqynyn báseńdetken joq - 6:1.
Osylaisha, esep – 2:0, Qazaqstannyń paidasynda.
Qazaqstan – Germaniia matchy erteń jalǵasady. Qazaqstandyqtarǵa qalǵan kezdesýlerde bir upai alsa, jetip jatyr. Óz tarihynda alǵash ret Billi Djin King kýbogynyń finaldyq kezeńine joldama alady.
