ەلوردادا بيللي دجين كينگ كۋبوگى اياسىندا ٶتٸپ جاتقان قازاقستان – گەرمانييا ماتچىندا ەلەنا رىباكينا ەسەپتٸ 2:0-گە جەتكٸزدٸ, دەپ حابارلايدى قازاقپارات.
قازاقستاننىڭ بٸرٸنشٸ, ەلەمنٸڭ 19-راكەتكاسى رىباكينا دٷنيەجٷزٸلٸك رەيتينگتە 232-ورىندا تۇرعان لاۋرا زيگەمۋندپەن سىنعا تٷستٸ.
رىباكينا 22 جاستا بولسا, گەرمانييالىق تەننيسشٸ 34-تە. وسىعان دەيٸن قارسىلاستار ٷش مەرتە كەزدەسٸپ, سونىڭ ەكەۋٸندە قازاقستاندىق تەننيسشٸ جەڭگەن ەدٸ.
بۇل جولى رىباكينا بٸرٸنشٸ پارتييادا زيگەمۋندقا بٸردە-بٸر گەيم بەرمەي, 22 مينۋتتا 6:0 ەسەبٸمەن تٸزە بٷكتٸردٸ.
ەكٸنشٸ سەتتٸ گەرمانييالىق سپورتشى برەيكپەن باستاعانىمەن, ەلەنا تارازى باسىن تارازى باسىن سول بويدا تەڭەستٸرٸپ قانا قويماي, ەسەپتٸ 5:1-گە جەتكٸزدٸ.
سوسىن ماتچقا دوپ بەرگەندە قارقىنىن بەسەڭدەتكەن جوق - 6:1.
وسىلايشا, ەسەپ – 2:0, قازاقستاننىڭ پايداسىندا.
قازاقستان – گەرمانييا ماتچى ەرتەڭ جالعاسادى. قازاقستاندىقتارعا قالعان كەزدەسۋلەردە بٸر ۇپاي السا, جەتٸپ جاتىر. ٶز تاريحىندا العاش رەت بيللي دجين كينگ كۋبوگىنىڭ فينالدىق كەزەڭٸنە جولداما الادى.
