Foto: ktf.kz
Qazaqstannyń birinshi, álemniń 5-raketkasy Elena Rybakina Beijiń (Qytai) WTA 1000 týrniriniń ekinshi ainalymyna shyqty, - dep habarlaidy QazAqparat agenttigi.
Qazaqstandyq tennisshi alǵashqy ainalymda álemniń 23-raketkasy, biylǵy Aziia oiyndarynyń jeńimpazy, qytailyq Chjen Tsinvenmen sheberlik baiqasty.
Birinshi partiiada Rybakina eki breik jasap, ońai aiaqtady - 6:1.
Elena ekinshi sette de sol qarqynynan tanǵan joq - 6:2.
Bir saǵat 1 minýtqa sozylǵan báseke barysynda qazaqstandyq sportshy 3 eis jasap, 7 breik-pointtyń tórteýin paidalana bildi.
Elena Rybakina ekinshi ainalymda álemniń 53-raketkasy, germaniialyq Tatiana Mariiamen kezdesedi.
Qazaqstannyń juptyq syndaǵy birinshi raketkasy Anna Danilina reseilik Anastasiia Panovamen birge braziliialyq Beatris Haddad Maiia - reseilik Veronika Kýdermetovaǵa jol berdi - 4:6, 6:4, 7:10.
Eske sala keteiik, budan buryn Iýliia Pýtintsevanyń Beijińde álemniń 30-raketkasyn jeńgenin jazǵan bolatynbyz.
