فوتو: ktf.kz
قازاقستاننىڭ بٸرٸنشٸ, ەلەمنٸڭ 5-راكەتكاسى ەلەنا رىباكينا بەيجٸڭ (قىتاي) WTA 1000 تۋرنيرٸنٸڭ ەكٸنشٸ اينالىمىنا شىقتى, - دەپ حابارلايدى قازاقپارات اگەنتتٸگٸ.
قازاقستاندىق تەننيسشٸ العاشقى اينالىمدا ەلەمنٸڭ 23-راكەتكاسى, بيىلعى ازييا ويىندارىنىڭ جەڭٸمپازى, قىتايلىق چجەن تسينۆەنمەن شەبەرلٸك بايقاستى.
بٸرٸنشٸ پارتييادا رىباكينا ەكٸ برەيك جاساپ, وڭاي اياقتادى - 6:1.
ەلەنا ەكٸنشٸ سەتتە دە سول قارقىنىنان تانعان جوق - 6:2.
بٸر ساعات 1 مينۋتقا سوزىلعان بەسەكە بارىسىندا قازاقستاندىق سپورتشى 3 ەيس جاساپ, 7 برەيك-پوينتتىڭ تٶرتەۋٸن پايدالانا بٸلدٸ.
ەلەنا رىباكينا ەكٸنشٸ اينالىمدا ەلەمنٸڭ 53-راكەتكاسى, گەرمانييالىق تاتيانا مارييامەن كەزدەسەدٸ.
قازاقستاننىڭ جۇپتىق سىنداعى بٸرٸنشٸ راكەتكاسى اننا دانيلينا رەسەيلٸك اناستاسييا پانوۆامەن بٸرگە برازيلييالىق بەاتريس حادداد ماييا - رەسەيلٸك ۆەرونيكا كۋدەرمەتوۆاعا جول بەردٸ - 4:6, 6:4, 7:10.
ەسكە سالا كەتەيٸك, بۇدان بۇرىن يۋلييا پۋتينتسەۆانىڭ بەيجٸڭدە ەلەمنٸڭ 30-راكەتكاسىن جەڭگەنٸن جازعان بولاتىنبىز.
