Foto: iStock
Elimizde elektrli samokattarǵa qatysty jańa zań qabyldandy. Kólik quralynyń bul túrine qandai shekteý qoiylady, qandai ózgerister bar degen suraqtarǵa IIM ákimshilik politsiia komitetiniń asa mańyzdy ister jónindegi aǵa inspektory Aqtoty Boranova jaýap berdi, – dep habarlaidy Polisia.kz.
Elektrli samokat – eki nemese úsh dóńgelekti, bir adamnyń qozǵalýyna arnalǵan oryndyǵy joq kólik quraly.
Elektrli samokatpen qai jerde jáne qai jastan bastap júrýge bolady?
– Qabyldanǵan jańa zańǵa sáikes elektrli samokat velojolda, velojolaqtarda, 25 km/saǵat jyldamdyqpen júris bóliginiń oń jaq shetinde, onyń ishinde marshrýttyq kólikterge arnalǵan jolaq boiymen bir qatarda qozǵala alady. Al trotýar men jol jieginde, jaiaý júrginshiler jolynda 6 km/saǵattan aspaityn jyldamdyqpen júrýi kerek. Sonymen qatar elektrli samokatta kólikke arnalǵan jolmen júrýge tek 18 jastan bastap ruqsat etiledi jáne júrgizýshi kýáliginiń kez kelgen sanaty bolýy kerek.
Elektrli samokat júrgizýshileri “shlem” kiiýge mindetti me?
– Iá, moped, elektrli samokat jáne velosiped júrgizýshileri joldyń júris bóliginde júrgende ǵana bekitilgen shlemdi kiiýi kerek.
Elektrli samokat júrgizýshilerine baqylaý qalai júrgiziledi? Jol júrisi qaǵidalaryn buzǵany úshin olarǵa qandai jaýapkershilik qarastyrylǵan?
– Aita ketý kerek, kikshering kompaniialary jaiaý júrginshiler men saiabaqtardyń belgili bir jerlerinde elektrli samokat jyldamdyǵyn shekteitin bolady. Ornatylǵan GPS-sensordyń arqasynda mundai aimaqtarǵa kirý kezinde jyldamdyqty shekteý avtomatty túrde qosylady.
Jaýapkershilikke kelsek. Qazir olardy jolaýshylar men júkterdi tasymaldaý (ÁQBtK-niń 593-baby, 5 AEK kóleminde aiyppul salý), sondai-aq jol júrisine qatysýshylarǵa qoiylatyn ózge de talaptardy buzǵany úshin (ÁQBtK-niń 620-baby, eskertý nemese 3 AEK kóleminde aiyppul salý) jaýapkershilikke tartýǵa bolady.
Múmkindigi shekteýli jandarǵa arnalǵan elektrli kreslolar shaǵyn elektrli kólikterge jatady ma?
– Joq. Múmkindigi shekteýli adamdarǵa arnalǵan kreslolar shaǵyn elektrli kólikter sanatyna kirmeidi, sebebi adamdardyń qozǵalýyna arnalǵan qural bolyp tabylady. Sonymen qatar shaǵyn elektrli kólikterdi paidalanýshylarǵa qoiylatyn jeke talaptardy múmkindigi shekteýli adamdar oryndai almaidy. Mysaly, joldy kesip ótkende kreslodan túsip, jetektep ótý degen siiaqty talapty oryndai almaidy.
Nelikten “jaiaý júrginshi” uǵymyna ózgerister engizilip jatyr?
– “Jaiaý júrginshi” túsinigi elektrli samokat pen shaǵyn elektr kólikterin jetektep júrýge qatysty zań talaptaryna sáikes rettelip jatyr. Osy túzetýge bailanysty bul kólikterden túsip jetektegen kezde olardyń júrgizýshileri jaiaý júrginshilerge teńestiriledi.
Elektrli samokattar ishki ister organdarynda tirkele me?
– Joq, tirkeýge jatatyn avtokólik quraldarynyń tizbesi Keden odaǵynyń “Dóńgelekti kólik quraldarynyń qaýipsizdigi týraly” tehnikalyq reglamentinde belgilengen. Elektrosamokat bul tizimge kirmeidi.
Elektrli samokattardyń maksimaldy jyldamdyǵy 25 km/saǵattan artyq bolsa, ol qai kólik túrine jatady?
– Bul jaǵdaida elektrli samokat “moped” uǵymyna túsedi. Bul rette qazirgi ýaqytta maksimaldy konstrýktivti jyldamdyǵy 50 km/saǵattan asatyn elektrli samokattardyń importyn shekteý múmkindigi qarastyrylýda, sebebi mundai kólik qaýipti, turaqsyz jáne odan jaraqat alý qaýpi joǵary.
Mopedterdiń, elektrli samokattardyń jáne velosipedterdiń júrgizýshilerine basqa kólik quraldarynyń júrgizýshilerine kórinýge arnalǵan jaryq shaǵylystyratyn zatsyz júrýge tyiym salynady.
Bul qandai zattar jáne talaptaryn túsindirip ketseńiz.
– Bul talapqa sáikes sizde kez kelgen jaryq qaitarǵysh elementi bar zat bolýy kerek. Ol kez kelgen kiim bolýy múmkin: kúrteshe, qalpaq, jilet, aiaq kiim, riýkzak, sómke jáne arnaiy jaryq qaitarǵysh lentalar. Bul zattardyń kórinýin qamtamasyz etý qiyn emes. Júrgizýshige jan-jaǵynan kórinýi úshin olardy kiimderdiń ústine kiiý kerek.
Elektrli samokatty basqarýshylardy “júrgizýshi” dep ataitynyn eskersek, olar basqa júrgizýshiler siiaqty mas kúiinde kólik tizgindegeni úshin jaýapkershilikke tartyla ma?
Elektrli samokat avtokólik quraly bolyp tabylmaityndyqtan jáne tirkeýge jatpaityndyqtan, olarǵa ÁQBtK-niń 608-babynda kózdelgen jaýapkershilik qoldanylmaidy.
Elektrli samokatty mas kúiinde júrgizgeni úshin ÁQBtK-niń 440-baby boiynsha jaýapqa tartylady.
