Qazaqstan elektrondyq úkimetti damytý deńgeii boiynsha BUU reitinginde 29-oryn aldy. Bul týraly «Digital Almaty 2021: tsifrlyq qaita jańǵyrý: jańa jaǵdaiǵa serpilis» forýmynda aityldy, dep habarlaidy QazAqparat.
Forýmnyń plenarlyq sessiiasyna Armeniia Premer-Ministri Nikol Pashinian, Belarýs Premer-Ministri Roman Golovchenko, Qyrǵyzstan Premer-Ministri Ýlýkbek Maripov, Resei Premer-Ministri Mihail Mishýstin, Ózbekstan Premer-Ministri Abdýlla Aripov, EEK Alqasynyń tóraǵasy Mihail Miasnikovich, Kaspi.kz negizin qalaýshylardyń biri Mihail Lomtadze men ERG direktorlar keńesiniń tóraǵasy Aleksandr Mashkevich qatysyp jatyr.
QR Premer-Ministri Asqar Mamin pandemiia jaǵdaiynda Qazaqstan ekonomikasy turaqtylyqtyń joǵary deńgeiin kórsetkenin, bul edáýir dárejede memlekettik jáne jekemenshik sektorlardyń barlyq salalaryna tsifrlyq sheshimderdiń engizilýiniń ósýimen bailanysty ekenin atap ótti.
«Aiqyn shekteýlerge qaramastan, biz tsifrlyq infraqurylymnyń qoljetimdiligi men sapasyn arttyrý jumysyn jedeldettik. 2020 jyly 20 myń talshyqty-optikalyq bailanys jelisiniń qurylysy boiynsha MJÁ jobasy aiaqtaldy. 1 000-nan astam mobildi bailanystyń bazalyq stantsiiasy ornatyldy, bul óńirlerdegi tehnologiialyq teńsizdik deńgeiin aitarlyqtai qysqartýǵa múmkindik berdi. Sonyń nátijesinde Qazaqstan halqyn internetpen qamtý búginde 99%-dy quraidy», — dedi A. Mamin.
Úkimet basshysy QR azamattary úshin tulǵa biometriiasy boiynsha qashyqtan sáikestendirý arqyly elektrondyq tsifrlyq qoltańbany (ETsQ) qashyqtan alý múmkindigi berilgenin aitty. Jiyntyqty qujat ainalymy, mobildi jumys orny, kadrlyq ákimshilendirýge jáne áleýmettik tólemderge onlain tásilder qoldaný sekildi jobalar belsendi engizilýde. Onlain formatta qoljetimdi memlekettik qyzmetterdiń úlesi 93%-ǵa deiin jetti.
Sonyń nátijesinde, 2020 jyly Qazaqstan elektrondyq úkimetti damytý deńgeii boiynsha BUU reitinginde 10 pozitsiiaǵa kóterilip, 193 eldiń arasynda 29-orynǵa ie boldy. Bólshek saýda qurylymyndaǵy elektrondyq saýda kólemi ótken jyly 3 esege jýyq – 3,8%-dan 9,7%-ǵa deiin ósti. Halyqtyń qolma-qol aqshasyz operatsiialarynyń kólemi 2,5 esege, 14,1 trln teńgeden 35,3 trln teńgege deiin ulǵaidy.
«Memleket basshysy Qasym-Jomart Kemeluly Toqaev biylǵy jyldy memleketimizdi tiimdi tsifrlandyrý jyly dep ótkizýdi tapsyrdy. Qazirdiń ózinde biz «aýqymdy derekter» qaǵidattaryn memlekettik organdardyń jumysyna tereń integratsiialaý boiynsha jumys júrgizip jatyrmyz. «Data-driven government» tujyrymdamasy sheńberinde derekterdi jinaý jáne óńdeý ázirleýden bastap, tiimdilik monitoring júrgizýge deiingi barlyq kezeńderde memlekettik qyzmetterdiń sapasyn arttyrýdyń faktoryna ainalady», — dedi A. Mamin.
