«Qazposhta» men «Odnoklassniki» basshylyǵy qol qoiǵan memorandým bul salany taǵy da ilgerilete túspek.
Memleket basshysynyń tikelei bastamasymen qolǵa alynǵan «Tsifrlyq Qazaqstan» baǵdarlamasynyń bir baǵyty – elektrondyq saýda. Al bul óz kezeginde elimizdiń kúlli ekonomikasynyń qozǵaýshy kúshine ainala alady. Osy negizde Úkimet qaýlysymen irgeli reformalar bastalyp, olardyń jalǵasyn taýyp jatqanyna da kýámiz. Aitalyq, 2017 jyly qazaqstandyq e-commerce naryǵynyń kólemi 106,9 mlrd teńgeni nemese bólshek saýda ainalymynyń jalpy kóleminiń 1,2 paiyzyn qurady, bul 2016 jylǵy kórsetkishten 36,2 paiyzǵa joǵary.
"Qazposhta" AQ málimetinshe, elektrondyq saýda naryǵynyń kólemi 2018 jyldyń 5 aiynda 101 mlrd teńgeni nemese bólshek saýda ainalymynyń jalpy kóleminiń 2,9 paiyzyn qurady (3,53 trln teńge). Taǵy da aita keterligi, elimizde jyl basynan beri 110 jańa elektrondyq saýda sýbektisi tirkelgen. Naryqta 1658 internet-dúken jumys isteidi, satyp alýshylar sany 5 paiyzǵa ósti. Salada 71,6 myń qyzmetker jumysqa ornalastyryldy.
Al jaqynda Qytai taýarlarynyń marketpleisi «Odnoklassniki» áleýmettik jelisi arqyly Qazaqstan naryǵyna shyqty. Endi atalǵan áleýmettik jeliniń elimizdegi 2,5 mln paidalanýshysy internet-dúkenniń 30 mln-nan astam taýaryn tańdap, tapsyrystyń tólemin teńgemen jasai alady. Al taýardy qysqa merzimde jetkizip berý qyzmetin «Qazposhta» AQ qazirgi zamanǵy tehnologiialarynyń arqasynda moinyna alady.
OK internet-dúkeni ár túrli sanattaǵy taýardy tańdaýǵa, satyp alýǵa jáne poshta arqyly jetkizýdi resimdeýge múmkindik beredi. E-commerce platformasynyń negizgi ereksheligi – paidalanýshy kontentiniń integratsiiasy (UGC): satyp alýshylar taýarlardy beine jáne foto sholýlar arqyly qarap, baǵalai alady. Sondai-aq taýarlar týraly aqparatty dostarymen áleýmettik jelilerge bólisip, olardy jaqyndaryna usyna alady.
«Odnoklassniki» – óz platformasynda tolyqqandy marketpleisti iske qosqan Reseidegi alǵashqy áleýmettik jeli. Ondaǵy internet-dúken flash sales formatynda jumys isteidi, iaǵni eń tanymal taýarlardy jyldam satý, desktopty jáne mobildi nusqany qosa alǵanda, barlyq platformalarda, OK mobildi qosymshalarynda qol jetimdi. Marketingte taýarlar sanaty boiynsha izdeý jáne keńeitilgen navigatsiia bar.
Barlyq satyp alýlar tolyq qorǵalǵan. Tólem bank kartasymen OK akkaýntyna bailanysty jasalady, eger taýar kelmese nemese onyń sapasy satyp alýshyǵa unamasa, áleýmettik jeli aqshany qaitarady. Jetkizý búkil Qazaqstan boiynsha tegin jáne «Qazposhta» arqyly júzege asyrylady. Sonymen qatar, tapsyrystan keiin úsh saǵat ishinde satyp alýshy ony joia alady. Internet-dúken satyp alýǵa, qaitarýǵa, jetkizýge, taýardyń sapasyna bailanysty máselelerdi sheshýge kómektesedi.
Anton Fedchin, «Odnoklassniki» áleýmettik jelisiniń jetekshisi:
– Bizdiń Qazaqstan naryǵyna shyǵýymyz jáne «Qazposhtamen» integratsiia – áleýmettik jelini damytý jolyndaǵy mańyzdy jumys. «Odnoklassniki» – Reseide ǵana emes, shet elderde de iri áleýmettik jelilerdiń biri. Qazaqstan turǵyndary áleýmettik jeli platformasynda satyp alýdyń barlyq artyqshylyqtaryn birinshi bolyp baǵalai alady. Máselen, taýardy tańdaýdan bastap, tapsyrys ornalastyrǵanǵa deiin jáne OK sheginen shyqpai-aq tólem jasai alady. Dúken bizdiń áleýmettik tuǵyrnamamyzǵa tolyqqandy integratsiialanatyn bolady. Taýarlardy satyp alýdan bólek, paidalanýshylar kontenttiń jańa túrlerin jáne sholýlardy qarap, olardy ózderi quryp, taýarlar týraly pikirlermen bólise alady.
