QR Bilim jáne ǵylym ministri Ashat Aimaǵambetov UBT ótip jatqan pýnkterdiń birine baryp, talapkerlermen sóilesti, dep habarlaidy "Ult aqparat".
«Ulttyq biryńǵai testileý ótip jatqan pýnkterdiń birine baryp, talapkerlermen áńgimelestim. Biyl UBT alǵash ret kompiýterlik formatta ótip jatyr. Balalardyń aitýynsha, bul format óte yńǵaily. Ári testileý nátijelerin qatysýshylar birden bile alady. Biyl 130 myńnan astam túlek UBT tapsyrýdy josparlap otyr. Olar testileýdi burynǵydai tek bir-aq ret emes, eki ret tapsyra alady. Sáikesinshe nátijesi kóńilinen shyqqan sertifikatpen grant taǵaiyndaý konkýrsyna qatysady», - dep jazdy ministr Facebook paraqshasynda.
Sonymen birge, ministr testileý formatynyń túbegeili ózgergenin eske saldy. Buryn túlekterge qaǵaz kitapshalar men jaýaptardy boiap toltyrý paraqtary taratylsa, endi testileý elektrondyq formatta júrgiziledi.
Ár qatysýshyǵa kompiýter berilip, onyń áreketterin beinekameralar baqylaidy. Proktoring júiesi iske qosylǵan. Sonymen qatar, arnaiy ortalyqta kezekshiler balalardy kamera arqyly baqylap otyrady.
Tapsyrmalardyń nusqalary testileýdi tapsyrar aldynda avtomatty túrde qurylady, UBT-ny tapsyrý orny men ýaqytyn ár qatysýshy ózi anyqtaidy.
Endi júz myńdaǵan túlektiń testileýden ótýine burynǵydai bir apta ǵana berilmeidi. Testileýdiń ótkizilý merzimi eki aiǵa deiin uzartyldy. UBT-ny qashan tapsyrý kerektigin árkim ózi tańdaidy.
«Biz IELTS, Qaztest nemese basqa da kez kelgen emtihandardy tapsyrý siiaqty UBT-nyń qalypty is-shara retinde ótkenin qalaimyz. Meniń oiymsha naýryz aiynda UBT osylai ótti. Endi muǵalimder de, mektep ákimshiligi de balalardyń UBT tapsyrýy úshin kóptegen qujat jinap, áýre bolmaidy. Talapkerler UBT tapsyratyn oryndy, qolaily kún men ýaqytty óz betinshe tańdaidy. Sonymen birge, biz balalarǵa testileýdi eki ret tapsyrýǵa múmkindik berdik. Olar memlekettik granttardy taǵaiyndaý konkýrsy kezinde UBT-daǵy eki sertifikattyń qaisysyn paidalanatynyn ózderi sheshedi. Munyń bári balalardyń boiyndaǵy emotsionaldy stress deńgeiin tómendetedi», - deidi A. Aimaǵambetov.
Ótken jyly test tapsyrýshylarǵy alǵash ret kalkýliatorlardy paidalanýǵa ruqsat berildi. Endi kalkýliatorlar da, Mendeleev kestesi de kompiýterde qoljetimdi bolady.
«Biýdjet qarajaty men pedagogterdiń ýaqytyn da únemdeimiz. Jyl saiyn 2 myńnan astam pedagog UBT kezinde basqa óńirlerge issaparǵa jiberiletin edi. Bul rette qonaqúi jáne táýlik shyǵyndaryn, sonymen birge oryn alýy múmkin adami faktorlardy eskerý qajet boldy. Suraqtardyń mazmuny da fýnktsionaldyq saýatty tekserý jaǵyna qarai ózgerdi. Bul týraly buǵan deiin de jazyp edim. Ataýly kúnder men basqa da faktiler boiynsha qurastyrylatyn suraqtardyń sany aitarlyqtai azaia tústi. Júieniń ózi aqparattyq qaýipsizdik synaǵynan sátti ótti, tiisti attestaty bar. Jalpy, biz balalarymyz úshin barynsha qolaily jaǵdai jasaýdamyz. Barlyǵy teń dárejede, akademiialyq adaldyq qaǵidalaryn ustana otyryp, ádil túrde grant taǵaiyndaý konkýrsyna qatysady», - dep jazdy Bilim ministri.
Aita keteiik, búgin elimizde Ulttyq biryńǵai testileý bastaldy. UBT nátijesimen memlekettik bilim berý grantyn taǵaiyndaý konkýrsyna qatysýǵa bolady.
Testileý tolyǵymen elektrondy formatta júrgizilip jatyr.
