1920 jylǵy 22 jeltoqsanda Qazaqstandy elektrlendirý jospary qabyldandy, dep habarlaidy "Ult aqparat" QR Energetika ministrliginiń baspasóz qyzmetine silteme jasap.
Qazaqstan aýmaǵydaǵy alǵashqy gidravlikalyq stansa 1892 jyly salyndy. HH ǵasyrdyń basynda respýblika aýmaǵyndaǵy barlyq elektr stansalarynyń qýaty 2,5 MVt-tan aspady. 1920 jyly Keńes odaǵyn elektrlendirý jospary qabyldandy, oǵan Qazaqstan Respýblikasy kirdi. HH ǵasyrdyń 30-jyldaryna qarai Qazaq KSR-degi elektr stansalarynyń qýaty 12,5 MVt-qa jetti. Búgingi tańda energetikterdiń qajyrly eńbeginiń arqasynda Qazaqstannyń jalpy energetikalyq qýaty 23 myń MVt-tan asady. 2020 jyly 105 mlrd kVt-tan astam elektr energiiasyn óndirý josparlanyp otyr. Onyń 3 paiyzy jańartylatyn energiia kózderinen alynady.
Osynaý ataýly dataǵa orai búgin QR Energetika ministri Nurlan Noǵaev birqatar energetiktti, sala ardagerlerin energetika júiesin damytýǵa qosqan úlesi úshin medaldarmen, tósbelgilermen jáne gramotalarmen marapattady.
Ministr quttyqtaý sózinde 1920 jyly qabyldanǵan elektrlendirý jospary elimizdiń óndiristik damýynyń negizi bolǵanyn jáne elektr energetikalyq kesheniniń basym damýynyń negizin qalaǵanyn atap ótti.
«Bizdiń energetikterimizdiń joǵary kásibi jáne qajyrly eńbeginiń arqasynda Qazaqstan osy qaǵidattardy qazirgi ýaqytqa deiin ustanyp keledi. Elimizdiń energetika salasy eń kúrdeli máselelerdi sheshedi, bizdiń azamattarymyzdy jylýmen jáne jaryqpen úzdiksiz qamtamasyz ete otyryp, iri injenerlik jobalardy júzege asyrady. Búgin biz jyldar boiy elimizdiń energetikalyq júiesin óz qoldarymen jasaǵan adamdarǵa qurmet kórsetemiz», - dedi Nurlan Noǵaev.
Aita keterligi, elektrlendirý josparynyń 100 jyldyǵyna orai búgin saǵat 18:00-de «Habar» telearnasynda «Bizdiń zamanymyzdyń Prometeii» atty filmniń premerasy bolady.
