Sýret: ashyq derekkóz
Almatyda dziýdodan 60 keli salmaqta úsh balýan arasynda ótkizilgen Olimpiadaǵa irikteý týrniri aiaqtaldy. Qazaqstandyq tanymal dziýdoshy Eldos Smetov sheshýshi beldesýde Nurqanat Serikbaevty jeńip, tórtjyldyqtyń basty dodasyna litsenziia utyp aldy, dep habarlaidy "Ult aqparat".
Eldos alǵashqy kezdesýinde Maǵjan Shamshadindi san soqtyrdy. Óz kezeginde Nurqanat Serikbaev ta irikteý týrnirinde M. Shamshadinnen basym túsip, Olimpiada joldamasyna talasýǵa múmkindik alǵan.
Alaida 60 keli salmaqtaǵy tartysty ótken beldesýdiń Golden Score kezeńinde qos balýan 9 minýt kúresti. Tájiribeli sportshy Eldos Smetov bozkilemdegi shiraqtyǵynyń arqasynda Waza-Ari upaiyn enshiledi.
Osylaisha ol úshinshi ret Olimpiadaǵa barý múmkindigine ie boldy. Cmetov buǵan deiin Rio Olimpiadasynda kúmis, Tokio Olimpiadasynda qola medal ielengen bolatyn.
"Eldostyń búgingi qarsylastarynan myqty ekenin moiyndaýymyz kerek. Endi oǵan Parijge jaqsy daiyndalyp, Frantsiia astanasynda Qazaqstannyń atynan sátti shyǵýyna tilektespin", - dedi ulttyq sanattaǵy sýdia Baqyt Matyshev.
