سۋرەت: اشىق دەرەككٶز
الماتىدا دزيۋدودان 60 كەلٸ سالماقتا ٷش بالۋان اراسىندا ٶتكٸزٸلگەن وليمپياداعا ٸرٸكتەۋ تۋرنيرٸ اياقتالدى. قازاقستاندىق تانىمال دزيۋدوشى ەلدوس سمەتوۆ شەشۋشٸ بەلدەسۋدە نۇرقانات سەرٸكباەۆتى جەڭٸپ, تٶرتجىلدىقتىڭ باستى دوداسىنا ليتسەنزييا ۇتىپ الدى, دەپ حابارلايدى "ۇلت اقپارات".
ەلدوس العاشقى كەزدەسۋٸندە ماعجان شامشاديندٸ سان سوقتىردى. ٶز كەزەگٸندە نۇرقانات سەرٸكباەۆ تا ٸرٸكتەۋ تۋرنيرٸندە م. شامشاديننەن باسىم تٷسٸپ, وليمپيادا جولداماسىنا تالاسۋعا مٷمكٸندٸك العان.
الايدا 60 كەلٸ سالماقتاعى تارتىستى ٶتكەن بەلدەسۋدٸڭ Golden Score كەزەڭٸندە قوس بالۋان 9 مينۋت كٷرەستٸ. تەجٸريبەلٸ سپورتشى ەلدوس سمەتوۆ بوزكٸلەمدەگٸ شيراقتىعىنىڭ ارقاسىندا Waza-Ari ۇپايىن ەنشٸلەدٸ.
وسىلايشا ول ٷشٸنشٸ رەت وليمپياداعا بارۋ مٷمكٸندٸگٸنە يە بولدى. Cمەتوۆ بۇعان دەيٸن ريو وليمپياداسىندا كٷمٸس, توكيو وليمپياداسىندا قولا مەدال يەلەنگەن بولاتىن.
"ەلدوستىڭ بٷگٸنگٸ قارسىلاستارىنان مىقتى ەكەنٸن مويىنداۋىمىز كەرەك. ەندٸ وعان پاريجگە جاقسى دايىندالىپ, فرانتسييا استاناسىندا قازاقستاننىڭ اتىنان سەتتٸ شىعۋىنا تٸلەكتەسپٸن", - دەدٸ ۇلتتىق ساناتتاعى سۋديا باقىت ماتىشەۆ.
