Foto: Kazinform
Frantsiiada ótip jatqan Olimpiada oiyndarynyń finalynda Eldos Smetov tatamige Japoniianyń dańqty dziýdoshysy Naohisa Takatonyń kimonosyn kiip shyqqan. Bul týraly Kazinform tilshisine sportshynyń ózi aityp berdi.
"Men Eldosty jeńisimen quttyqtaimyn! Ol finalda men syilaǵan kimonony kiip shyǵyp, chempion atandy. Qazaq eli, alǵashqy altyn júlde qutty bolsyn! Biz Eldos ekeýmiz tatamide qarsylas bolsaq ta ómirde dospyz. Oǵan degen qurmetim erek. Onyń Qazaqstannyń eń tanymal sportshylarynyń biri ekenin bilemin. Eldos – myqty sportshy. Parij Olimpiadasynda Qazaqstan qorjyny júldege tola bersin", - dedi dańyqty japoniialyq sportshy.
Aita ketsek, Eldos Smetov pen Naohisa Takato Rio jáne Tokio Olimpiadasynda jeńis tuǵyrynan birge kóringen. Otandasmyz 2016 jyly Rioda kúmis júldeger atansa, japoniialyq dziýdoshy qola júldege qol jetkizgen. Al Tokioda Takato chempion bolsa, Eldos qola medalǵa ielik etti. Mine, biyl Eldos chempion atandy. Alaida Takato biyl Parij Olimpiadasynda óner kórsetken joq. Ol Tokio olimpiadasynan soń mansabyn aiaqtady.
