فوتو: Kazinform
فرانتسييادا ٶتٸپ جاتقان وليمپيادا ويىندارىنىڭ فينالىندا ەلدوس سمەتوۆ تاتاميگە جاپونييانىڭ داڭقتى دزيۋدوشىسى ناوحيسا تاكاتونىڭ كيمونوسىن كيٸپ شىققان. بۇل تۋرالى Kazinform تٸلشٸسٸنە سپورتشىنىڭ ٶزٸ ايتىپ بەردٸ.
"مەن ەلدوستى جەڭٸسٸمەن قۇتتىقتايمىن! ول فينالدا مەن سىيلاعان كيمونونى كيٸپ شىعىپ, چەمپيون اتاندى. قازاق ەلٸ, العاشقى التىن جٷلدە قۇتتى بولسىن! بٸز ەلدوس ەكەۋمٸز تاتاميدە قارسىلاس بولساق تا ٶمٸردە دوسپىز. وعان دەگەن قۇرمەتٸم ەرەك. ونىڭ قازاقستاننىڭ ەڭ تانىمال سپورتشىلارىنىڭ بٸرٸ ەكەنٸن بٸلەمٸن. ەلدوس – مىقتى سپورتشى. پاريج وليمپياداسىندا قازاقستان قورجىنى جٷلدەگە تولا بەرسٸن", - دەدٸ داڭىقتى جاپونييالىق سپورتشى.
ايتا كەتسەك, ەلدوس سمەتوۆ پەن ناوحيسا تاكاتو ريو جەنە توكيو وليمپياداسىندا جەڭٸس تۇعىرىنان بٸرگە كٶرٸنگەن. وتانداسمىز 2016 جىلى ريودا كٷمٸس جٷلدەگەر اتانسا, جاپونييالىق دزيۋدوشى قولا جٷلدەگە قول جەتكٸزگەن. ال توكيودا تاكاتو چەمپيون بولسا, ەلدوس قولا مەدالعا يەلٸك ەتتٸ. مٸنە, بيىل ەلدوس چەمپيون اتاندى. الايدا تاكاتو بيىل پاريج وليمپياداسىندا ٶنەر كٶرسەتكەن جوق. ول توكيو وليمپياداسىنان سوڭ مانسابىن اياقتادى.
