Shyǵys Qazaqstan oblysynda 19 eldi mekendi sý basý qaýpi bar, dep habarlaidy "Ult aqparat".
Osy jaily ShQO ákimi Danial Ahmetov halyqqa esep berý barysynda aitty.
«Tasqyn qaýpi jaily ár aýdan ákimi habardar, qutqarýshylar men barlyq qajetti tehnikalar daiyndaldy. Tótenshe jaǵdailarǵa orai biýdjette 1,1 mlrd teńge qarastyrylǵan. 2018 jyly bolǵan oqiǵa qaitalanbaidy dep senemin. Ol kezde Buqtyrma ózenindegi muz qalyńdyǵy 2 metrden asqan bolatyn», - dedi aimaq basshysy.
Onyń aitýynsha, biyl muz qalyńdyǵy metrden aspaidy.
«Qajetti ydys-qaptar daiyndaldy. Sý ótkizgish qubyrlar men kópirler tazartylyp, Tarbaǵatai men Glýbokoe aýdandaryndaǵy tasqyn sýdyń aldyn alý úshin qosymsha 150 million bólindi», - dedi Danial Ahmetov.
Aita keteiik, oblys ózenderindegi jarylys jumystaryna 198 million teńge jumyldyrylǵan. Jalpy aimaq boiynsha 19 eldi mekendi sý basý qaýpi bar.
